Т.Бадралын оронд Д.Ядамдоржийг ОБЕГ-ын даргаар томилж, генерал цол олгоно

39
2020 оны 5 сарын 82020-05-08
Т.Бадралын оронд Д.Ядамдоржийг ОБЕГ-ын даргаар томилж, генерал цол олгоно

 

Онцгой байдлын ерөнхий газрын дарга, хошууч генерал Т.Бадралыг өчигдөр БНХАУ-д суух Элчин сайдаар томиллоо.

Түүнийг дээрх албан тушаалд томилохыг Засгийн газрын хуралдаанаар хэлэлцэж шийдвэрлэсний дагуу Ерөнхийлөгчтэй зөвшилцөн УИХ-д танилцуулж, томилуулсан. Эрүүгийн гэмт хэрэгт холбогдуулан АТГ-т шалгагдаж байсан Т.Бадралыг БНХАУ-д Элчин сайдаар томилсон явдал нь олны шүүмжлэлийг хүлээж байгаа.

Коронавирусийн цар тахлын үед ОБЕГ нь хорио цээрийг мөрдүүлэх, гамшгийн эсрэг бэлэн байдлыг хангахад чухал үүрэгтэй байгууллага. Иймээс ОБЕГ-ын дараагийн даргыг шуурхай томилох хувилбарууд ярьж байна.

Хувилбаруудаас одоогийн байдлаар ЦЕГ-ын дэд дарга бөгөөд Нийслэлийн цагдаагийн газрын дарга, хурандаа Д.Ядамдоржийн нэр хүчтэй яригдаж байгаа юм. Ингэхдээ түүнд генерал цол олгох талаар ч яриа гараад амжжээ. 1983-1987 онд НАХЯ-ны Цагдаагийн дээд сургууль, 2003-2006 онд ОХУ-ын Дотоод явдлын яамны Удирдлагын академи төгссөн.

1987-1996 онд Өвөрхангай аймгийн Цагдан сэргийлэх ангид хэсгийн төлөөлөгч, ахлах төлөөлөгчөөр, 1996-1998 онд Булган аймгийн Цагдаагийн хэлтэст эрүүгийн цагдаагийн ажил хариуцсан дэд даргаар, 1998-2000 онд Сэлэнгэ аймгийн Цагдаагийн газрын Мандал сум дахь цагдаагийн хэлтсийн даргаар, 2000-2003 онд Дорнод аймгийн Цагдаагийн газрын даргаар,  2006 онд Нийгмийн хэв журам хамгаалах газрын даргаар, 2006-2008 онд Замын цагдаагийн газрын даргаар, 2008-2012 онд Баянзүрх дүүргийн цагдаагийн хэлтсийн даргаар, 2012-2014 онд Шүүхийн шийдвэр гүйцэтгэх ерөнхий газрын дарга, даргын зөвлөхөөр, 2014 оноос Хууль сахиулахын их сургуулийн Албаны зохион байгуулалт, санхүү хангамж эрхэлсэн дэд захиралаар тус тус ажиллаж байсан. Одоо Цагдаагийн ерөнхий газрын Дэд бөгөөд Нийслэлийн Цагдаагийн газрын даргаар  ажиллаж байгаа нэгэн.

 

 

Санал болгох

Иргэн Г.Загдаа гэрээслэл бичиж, өлсгөлөн зарлажээ

“Зөв амьдрах ухаан” ТББ-ын тэргүүн Г.Загдааг БЗД-ийн Эрүүгийн хэргийн анхан шатны шүүхийн шүүгчийн 2020 оны 4 дүгээр сарын 13-ны өдрийн захирамжаар 2020 оны 4 дүгээр сарын 13-ны өдрөөс эхлэн цагдан  хорьж байгаа. Тэрбээр цагдан хорих нэг сарын хугацаа дууссан хэдий ч, түүний үргэлжлүүлэн хорьж буй тухай эсэргүүцэж, хорих 461-р ангийн тоо бүртгэлийн албанд ийн өргөдөл бичжээ.

8 цагийн өмнө
УБТЗ-ын ХХН-ийн дарга асан Л.Пүрэвбаатарыг эрүүгийн хариуцлагаас чөлөөлжээ

УБТЗ-ын ХХН-ийн дарга асан Л.Пүрэвбаатарыг эрүүгийн хариуцлагаас чөлөөлж, хэрэг хянан шийдвэрлэх ажиллагааны зардлыг төлүүлэх анхан шатны шүүхийн шийдвэр өнөөдөр гарчээ.

11 цагийн өмнө
196 мянган малчны дансанд ноолуурын урамшуулал оржээ

Орон нутгаас дансны мэдээллээ дутуу ирүүлсэн 7433 малчин өөрийн нэрийн дансны мэдээллийг орон нутгийн хөдөө аж ахуйн тасгаараа дамжуулан яаманд ирүүлсэн тохиолдолд тухай бүр малчны нэрийн дансанд урамшууллын гүйлгээг шилжүүлэх аж.

12 цагийн өмнө
Далай лам маргааш, нөгөөдөр онлайнаар АВШИГ ХҮРТЭЭНЭ

Дээрхийн Гэгээнтэн Далай Лам тавдугаар сарын 29, 30-ны өдрүүдэд 11.30-13.00 цагийн хооронд цахим сүлжээгээр дамжуулан Жанрайсиг бурханы авшиг хүртээх аж.

13 цагийн өмнө