У.Уянга: “Бяцхан мастерууд” шоунд хүслээ биелүүлэхээр орсон

2020 оны 5 сарын 112020-05-11
У.Уянга: “Бяцхан мастерууд” шоунд хүслээ биелүүлэхээр орсон

 

Бяцхан мастерууд шоу нэвтрүүлгийн гурав дахь дугаар NTV телевизээр цацагдлаа. Энэ дугаарийн ялагчаар “GUYS” хамтлагийн дуучин, жүжигчин Х.Бат-Ундрал тодорлоо. Тэрээр уртын дууны төрөлд гайхалтай нэгэн үзүүлбэрийг үзүүлсэн бөгөөд шүүгчид ч дуу нэгтэйгээр түүнд саналаа өгсөн юм.

 

х.БАт-ундрал.jpg

 

Мөн энэ дугаарын нэгэн сонирхолтой үзүүлбэрийг Фантастик продакшны залуу жүжигчин У.Уянга үзүүлсэн. Түүний хувьд шинэ зүйлд өөрийгөө сорих дуртай нэгэн юм.

Энэ дугаарт тэрээр оюуны спорт, ой тогтоолтоор оролцож, өрсөлдөгчдөдөө өөрийгөө ямар хүчтэй болохыг харуулсан юм. Тэгвэл бид  У.Уянгаас “Бяцхан мастерууд” шоунд оролцсон сэтгэгдлийг нь  хуваалцлаа. 

-"Бяцхан мастерууд" шоу нэвтрүүлэгт оролцсоноор шинээр авьяасаа нээн, хөгжүүлэх боломжтой шүү дээ. Нэвтрүүлэгт оролцох саналыг хэрхэн хүлээж авав?

-Би энэ жил "А Year to Remember" гээд ном уншсан юм. Тэр номон дээр долоо хоног болгон шинэ юм сураад тэрийгээ хэрэгжүүлэх талаар гардаг. Тухайн үед би ч бас шинээр юм сураад тэрийгээ хэрэгжүүлдэг болъё гэж бодож байсан. Тэгсэн удалгүй NTV телевизээс “Бяцхан мастерууд” нэвтрүүлэгт оролцох санал ирсэн.

Хүүхдээр шинэ юм заалгаад, тэрийгээ сураад үзүүлэх нь таалагдсан. Мөн миний номон дээрх хүсэл биелж байгаа юм шиг санагдаад орохоор шийдсэн. 

"Чадахгүй болов уу гэсэн зүйлээ чадаад тэрийгээ үзүүлэх чинь аймар гоё мэдрэмж байна лээ"

-Ой тогтоолт оюуны спортын төрөлд оролцлоо шүү дээ. Хүнд зүйл байв уу?

-Би энэ нэвтрүүлгийн онцлох авьяастнуудын нэг болох 10 настай Н.Энхлүүн багшаар хичээл заалгасан. 

Би багадаа ой тогтоолт сайтай хүүхэд байлаа. Манай гэр сургууль ойрхон байдаг байсан юм. Багшийн цээжлээрэй гээд өгсөн даалгаврын хугацааг нь тулгаж байгаад л гэрээсээ сургууль орох замдаа цээжилж, онц авдаг байлаа.

Тэгсэн сүүлд англи хэлний үг цээжлэх гэсэн ерөөсөө толгойд орохгүй. Бүр хүүхэд төрүүлэхээрээ ийм болчихдог юм байхдаа гээд шаналж байсан. Тэгсэн миний үг цээжлэх арга барил буруу, мөн ном сонин уншихгүй удахаар ийм болчихдог юм байна лээ шүү дээ. /Инээв/ 

Заяа ах, Уугий ах хоёр хоёулаа хэл ус сурахад хэрэгтэй энийг сонгоно гэхээр нь би бас сонгохоор зориод өрсөлдсөн чинь багш маань ашгүй намайг сонгосон. Би бөөн баяр. Тэр хэсэг ёстой гоё байсан.

Одоо багшаасаа сурсан эрдмээ хэл сурахад ашиглана.

-Энэ дугаараас үзэгчид юуг ойлгоосой гэж бодож байна?

-Эцэг эхчүүдэд нэг дутагдалтай зүйл байдгийг энэ нэвтрүүлэгт оролцоод мэдэж авсан. Би ч дутагдалтай байсан.

Мундаг эцэг эхчүүд байгаа л даа. Гэхдээ үсрээд л бүжгийн дугуйлан, англи хэлний дамжаа, хичээлийн давтлага гэдэг болохоос мэргэжлийн болтол нь сургалтад явуулдаггүй шүү дээ. Мөн хүүхдийнхээ сонирхолд бус өөрийнхөө сонирхолд тулгуурлаад явуулчидаг.

Хүүхдэдээ чи энийг үз гээд орхихоос илүү, өөрөө түрүүлж үзээд, хүүхдийнхээ зан чанарыг ажиглаад зааж зөвлөдөг байгаасай гэж бодсон.

Тиймээс энэ нэвтрүүлгийг хүүхдүүдтэйгээ хамт үзээрэй гэж уриалмаар байна

 

 

Санал болгох

Н.Баярмаа: Баярмаа давтагдахгүй. Баярмаагийн бүтээсэн Анна ч давтагдахгүй

Монголын анхны Анна Каренина болох жүжигчин Нэргүйн Баярмаатай та бүхнийг уулзуулж байна.

10 цагийн өмнө
А.Туяа: Эрчүүдийг хүлээх хэрэггүй, түрүүлж хайраа илчил

"Single ladies-4" уран сайхны кино хэдхэн хоногийн дараа нээлтээ хийнэ. Бид киноны гол дүрийн жүжигчин А.Туяатай цөөн хором ярилцлаа. Тэрээр 30 насны ганц бие эмэгтэйн дүрийг гаргаж байгаа бөгөөд энэ удаагийн цувралд эсрэг дүрд тоглосон байна. 

5 өдрийн өмнө
Жули: Гэр хороололд англи хэлний сургууль байгуулна

Улаанчулуутын хогийн цэгт амьдардаг хүүхдүүдийг сурган хүмүүжүүлж буй Вэлүү сангийн тэргүүн Жулитай ярилцлаа. Тэрээр Англи хэлний багш мэргэжилтэй, Канад улсын иргэн бөгөөд анх 2010 онд оюутолгойд ажилладаг нөхрөө даган Монголд ирж байжээ. Үүсгэн байгуулсан “Нарны хүүхдүүд” цэцэрлэгийнхээ санхүүжилтийг олохын тулд хамгийн урт морин аяллыг жил бүр зохион байгуулдаг. Энэ жил Коронавирусийн улмаас ганцаараа аялахаар болсон байна. Мөн Монгол хүүхдүүдээ бодон бодон иржээ. Монголд ирж тусгаарлалтаас гараад удаагүй байх үед нь бид ярилцсан юм.

5 өдрийн өмнө
Д.Халтархүү: Жолооны ард суухаар насаа мартчихдаг

Арван найман настайгаасаа 50 гаруй жил жолоо барьж яваа ануухан буурай Д.Халтархүүтэй ярилцлаа. Тэрээр тээврийн жолооч мэргэжилтэй бөгөөд тэтгэвэрт гарсан ч жолооноосоо гар салгалгүй автомашин унаж, хүүхдүүдээсээ гуйхгүй ажлаа амжуулж яваа сүйхээтэй эмээ юм. Өдгөө 75 насыг зооглож байгаа бөгөөд таван хүү хоёр охинтой. Тэдгээрээс нь 17 ач зээ гарсан байна. Түүний нөхөр мөн тээврийн жолооч байсан бөгөөд хамтдаа холын тээвэрт явдаг байжээ.

7 өдрийн өмнө