Би Нар” олон улсын хүүхдийн кино наадамд оролцож, тэргүүлжээ

2020 оны 5 сарын 222020-05-22
Би Нар” олон улсын хүүхдийн кино наадамд оролцож, тэргүүлжээ

 

Найруулагч Ж.Сэнгэдоржийн “Би Нар” кино Румынд энэ сарын 12-16-нд болсон “Wonderfest” олон улсын хүүхдийн кино  наадамд оролцож, тэргүүн байрын шагнал хүртсэн байна.

Румыны алдартай кино найруулагч, шүүмжлэгчдээс бүрдсэн шүүгчид уг киног онлайнаар үзэж шалгаруулжээ. 

1990 оноос хойш Монголын нийгэмд болж өрнөсөн үйл явдлууд, техник технологийн хөгжил ялангуяа цахим орчин, компьютер тоглоомын хор хөнөөл бидний хойч үе хүүхэд багачуудад хэрхэн нөлөөлж байгаа, гэр бүлийн харилцааны чухал чанар, үнэ цэнийг харуулсан уг киноны гол дүрд Ө.Итгэл, Л.Шинэзул, Ж.Ирмүүн нар тоглосон юм.

Мөн “Би Нар” кино 2019 онд Германы Дрезден хотод болсон олон улсын кино наадамд түрүүлсэн бөгөөд арван нэг дэх жилдээ зохион байгуулагдсан “Улаанбаатар" Олон Улсын Кино Наадамд оролцож, шилдэг уран сайхны киногоор  шалгарч байсан билээ. 

Харин энэ үеэр Нийслэлийн засаг даргын Тамгын газраас Монголын кино урлагийн салбарт оруулсан үнэтэй хувь нэмрийг нь үнэлж, Монгол Улсын Ардын жүжигчин, кино найруулагч, зохиолч Г.Жигжидсүрэнг “Хангарди” шагналаар шагнасан юм.

Санал болгох

Номын баяраас тэдний "шүүрсэн" ОЛЗ

Номын баяр бүрээр л хайж явсан "сувдаа" олсон мэт инээд цацруулсаар таардаг олон сайхан хүмүүс бий. 

10 цагийн өмнө
ФОТО | Номын баяр

Номын хорхойтнуудын хүсэн хүлээдэг "Үндэсний номын баяр" энэ сарын 18-20-ны өдрүүдэд боллоо.

13 цагийн өмнө
Номын баяр | Тэдний "точкалсан" ном

Авах номуудынхаа жагсаалтыг бичсээр цүнхээ үүрээд гарсан, зав гаргаад очно доо гэсэн хүсэл тээсэн долоон хүнийг бид энэ удаа онцоллоо.

3 өдрийн өмнө
Цар тахлын улмаас "48 цаг" олон улсын кино наадам цуцлагджээ

Уг кино наадмын шилдгээр шалгарсан бүтээл “Filmapalooza” буюу “48 цаг” олон улсын наадамд эх орноо төлөөлөн оролцдог бөгөөд өнгөрсөн жилийн наадамд 24 баг бүртгүүлэн оролцсоноос 21 баг цагтаа амжиж, бүтээлээ ирүүлсэн байна.

4 өдрийн өмнө