Нийслэлийн 381 жилийн ойд зориулсан барилдаанд М.Бадарч түрүүллээ

2020 оны 10 сарын 302020-10-30
Нийслэлийн 381 жилийн ойд зориулсан барилдаанд  М.Бадарч түрүүллээ

Нийслэлийн түүхт 381 жилийн ойд зориулсан улс, аймгийн цолтой 256 бөхийн барилдаан Монгол бөхийн өргөөнд амжилттай зохион байгуулагдлаа.

Нийслэлийн өдөрт зориулсан уламжлал болгон зохион байгуулагддаг тус барилдаанд шинэ аварга П.Бүрэнтөгсөөр магнайлуулсан 256 бөх авхаалж самбаа, хурд хүчээ сорин барилдсанаас Архангай аймгийн Цэнхэр сумын харьяат, Бөхбилэгт дэвжээний бөх, улсын шинэ заан М.Бадарч 8 даван түрүүлж, Төв аймгийн Баянчандмань сумын харьяат, Дүнжингарав дэвжээний бөх аймгийн хурц арслан Э.Ууганбаяр үзүүрлэв. Харин их шөвөгт Ховд аймгийн Зэрэг сумын харьяат, Ховд дэвжээний бөх, улсын харцага Б.Бат-Өлзий, Хөвсгөл аймгийн Их –Уул сумын харьяат,  Хөвсгөлийн Хүчтэн дэвжээний бөх, улсын начин Б.Даваа-Очир нар шалгарлаа.

Энэхүү уламжлал болсон барилдааныг НИТХ-ын дарга Ж.Батбаясгалан, Нийслэлийн засаг дарга бөгөөд Улаанбаатар хотын захирагч Д.Сумъяабазар тэргүүтэй хотын удирдлагууд хүрэлцэн ирж үзэж сонирхож, амжилттай барилдсан бөхчүүдэд шагналыг гардуулсан юм.  

Нийслэлийн ЗДТГ-ын Хэвлэл мэдээлэлтэй харилцах хэлтэс

Санал болгох

Гуравдугаар сарын башёд Монголын найман сумоч оролцоно

Башёгийн барууны манлай бөхөөр ёкозүна цолтой Хакүхо М.Даваажаргал, зүүний манлай бөхөөр ёкозүна цолтой Какүрюү М.Ананд нар гарч зодоглоно.

1 өдрийн өмнө
Марафонч Б.Сэр-Од "Токио-2020" олимпод оролцох болзлыг хангалаа

Lake Biwa Mainichi Marathon-д хурд сорьсон манай Бат-Очирын Сэр-Од 2 цаг 09 минут 26 секундын амжилт үзүүлж, “Токио-2020” олимпийн наадамд оролцох болзлыг биелүүллээ. 

5 өдрийн өмнө
МҮОХ Төрийн тусгай албан хаагчдын эмнэлэгтэй хамтран ажиллана

Монголын үндэсний олимпын хороо /МҮОХ/-ны ерөнхийлөгч Н.Түвшинбаяр, Төрийн тусгай албан хаагчдын эмнэлгийн захирал, хошууч Х.Бат-Ирээдүй нар тамирчдад эрүүл мэндийн, ялангуяа спортын гэмтлийн тусламж үйлчилгээг үзүүлэх, олимпизмыг хөгжүүлэх их үйлсэд хувь нэмрээ оруулах, төсөл хөтөлбөрүүдийг дэмжин хамтран ажиллах Санамж бичигт гарын үсэг зурлаа. 

5 өдрийн өмнө
Үндэсний бөхийн барилдаан болно

Монголын Үндэсний бөхийн холбоо /МҮБХ/-ноос 2021 оны 3 дугаар сард Монгол бөхийн өргөөнд бөхчүүдийн цуврал барилдаан зохион байгуулахаар шийдвэрлэжээ.

9 өдрийн өмнө