ХЭҮК-ын гишүүнд нэр дэвшигчид: Цаазын ялыг дэмжихгүй

3
2020 оны 11 сарын 32020-11-03
ХЭҮК-ын гишүүнд нэр дэвшигчид: Цаазын ялыг дэмжихгүй

УИХ-ын Хууль зүйн байнгын хорооны хуралдаанаар Хүний эрхийн үндэсний комиссын гишүүнд нэр дэвшигчдийг хэлэлцэж байна. Энэ үеэр УИХ-ын гишүүн, Хүний эрхийн дэд хорооны дарга Б.Энхбаяр тэднээс цаазын ялын талаарх байр суурийг тодруулсан. Нэр дэвшигчид хэрхэн хариулсныг хүргэе.

Ж.Хунан:

-Цаазын ялыг хуульчийн хувьд дэмждэггүй. Энэ байрь суурин дээр анхнаасаа зогссон. Цаазын ял байх нь жишгүүрт хэрэг гарахаас сэргийлэхгүй гэсэн судалгаа бий. Цаазын ял нь өөрөө хүний эрхийн зөрчил. Тийм учраас цаазын ялын эсрэг өөрийн дуу хоолойгоо өргөнө.

Г.Нарантуяа:

-Цаазын ялыг дэмждэггүй. Хэрэв Монгол Улс цаазын ялыг сэргээвэл хүнлэг энэрэнгүй нийгмийг тунхагласан Үндсэн хуульд нийцэхгүй. Хүн төрөлхтөний хүрсэн ёс зүйн түвшнээс Монгол Улс унаж болохгүй гэж бодож байна.

Б.Энхболд:

-Криминологийн хэд хэдэн судалгаа хийсэн. Цаазын ял бол буцаагаад залруулж болдоггүй. Алдааг нь засах боломжгүй. Монгол Улсын эрүүгийн бодлого бие махбодиор эдлүүлдэг бодлого чиглэлээс татгалзаж байгаа. Би хувь хүний хувьд цаазын ялыг дэмждэггүй.

Х.Мөнхзул:

-Цаазаар авах ялыг дэмждэггүй. Монгол Улс Иргэний болон улс төрийн эрхийн II нэмэлт протоколд нэгдсэн. Үүнээс ухрах боломжгүй. Төр өөрөө хүнийхээ амьд явах эрхийг хязгаарлах нь зүй зохисгүй үйлдэл. Бэлгийн хүчирхийлэл дээр цаазын ялыг дэмждэг уур амьсгал байгаа. Илүү ураг төрлийн, ах дүү амраг садангийн хооронд үйлдэгддэг. Энэ ялыг сэргээснээр улам далд хэлбэрт оруулах эрсдэлтэй.

Д.Сүнжид:

-Монгол Улсын нэгдэн орсон гэрээ, конвенц бий. Үүнд нэгдсэн учраас цаазын ялыг хэрэглэх шаардлагагүй. Цаазын ял бол гэмт хэргээс урьдчилан сэргийлэх зорилгод нийцдэггүй. Хувь хүнийхээ хувьд цаазын ялыг дэмждэггүй.

Санал болгох

Хонгил нурах уу: Цагдаагийн дөрвөн ч дарга МАН-д элслээ

Араа санаж, алсаа бодож цагдаа нар гэмт хэрэгтэй хэрэгтэй ажилладаг, дарга нар нь дэвших, дэвжихээ бодоод улстөрчидтэй сүжирдэг болчихвол цагдаагийн цагаан шонхор хараах байлгүй дээ. Ийм учраас наанадаж цагдаа, цэрэгт байсан, прокурор, шүүхэд байсан хүмүүсийг улс төрийн албан тушаалд томилохыг хориглох шаардлагатай. Тэгэхгүйгээр хуулийнхан улстөрждөг, улстөрчидтэй сүжирдэг, чиглэл авдаг гэх яриа багасахгүйгээр үл барам өнөө цагт хамгийн их ярьдаг “Шударга бусын хонгил” гээч нурахгүй.

2 сарын өмнө
Шинэ Засгийн газарт Ерөнхийлөгчийн өгсөн даалгавар

Намрын чуулганы төгсгөлд Засгийн газраа чирч огцорсон У.Хүрэлсүхийн шийдвэр Ерөнхийлөгчийн сонгуулийн улстөр албан ёсоор эхэлснийг бидэнд сануулав. УИХ-ын индрээс “Олон нийтийн бухимдлыг улс төрийн үйл ажиллагаанд ашиглаж, санхүүжүүлсэн Ерөнхийлөгчтэй хариуцлага тооцох ёстой гэж МАН-ын даргын хувьд үзэж байна” гэв. Бэлтгэл хурандаа У.Хүрэлсүх окопноосоо ирэх гуравдугаар сарын 1-нд тохиох Эх орончдын баяраас наана гарч ирэхгүй нь тодорхой болов. Ардын хувьсгалын 100 жилийн ойн нээлт, гуравдугаар сарын 15-нд эхлэх УИХ-ын хаврын ээлжит чуулган дээр У.Хүрэлсүхийн юу хэлэх нь сонин байна.

3 сарын өмнө
Ц.Насанбат: Хөөн хэлэлцэх хугацааг нь сэргээж шүүхээр шийдүүлсэн хэрэг байхгүй

Өмнөх парламентын үед 2017 онд Хууль зүйн байнгын хорооны дарга байхдаа Ш.Раднаасэд гишүүн санал гаргаж, Хууль зүйн байнгын хорооны хурал дээр Дээд шүүхийн шүүгчээр томъёолол хэлүүлэн хөөн хэлэлцэх хугацааг Эрүүгийн хуулиар өөрчлөх эхлэлийг тавьсан. Ингэснээр авлига, албан тушаалын олон гэмт хэрэг хөөн хэлэлцэх хугацааны цоорхойгоор хүчингүй болох үр тарив.

3 сарын өмнө
Нисдэггүй бор морь буюу Хэвлэлийн эрх чөлөөний хууль

ҮАБЗ-ийн гурван гишүүний хэвлэлийн эрх чөлөөг бэхжүүлэх тухай үгс улиг болжээ. Хэвлэлийн эрх чөлөөний тухай хуулийн төсөл яав аа. Өнөө УИХ, Засгийн газар нь нисдэг бор морийг нь ид гээд явуулсан юм уу, нисдэггүй бор морийг нь идээд ир гэсэн юм уу.

4 сарын өмнө