Монголд 800 хятад авчирч гэмт бүлэг байгуулсан гэх хэргийг прокурорт буцаалаа

2020 оны 11 сарын 112020-11-11
Монголд 800 хятад авчирч гэмт бүлэг байгуулсан гэх хэргийг прокурорт буцаалаа

Монгол Улсын нийслэлд хятадын 800-аад иргэнийг зочид буудлуудад байрлуулж, өндөр үзүүлэлттэй компьютер, гар утсаар ханган хөрөнгийн зах зээлд нөлөөлсөн гэх үйлдлийг өнгөрсөн 2019 оны аравдугаар сарын 30-нд тагнуул, цагдаагийнхан илрүүлсэн.

Тэднийг урьж авчирсан хүмүүс, зөвшөөрөл өгсөн төрийн албан тушаалтнууд, орон байраар хангаж байсан хүмүүст холбогдох асуудлыг хуулийнхан шалгаж байгаа байх. Энэ хэрэгт гүйцэтгэх ажил явуулсан тул хэргийг нууцад хамааруулсан төдийгүй УИХ-ын Аюулгүй байдал, гадаад бодлогын байнгын хорооны хурал дээр ч албаныхан хууль тогтоогчдод мэдээлэл өгөхөөс татгалзаж ирсэн.

Тэгвэл дээрх хэргийг зөвхөн хятадуудад холбогдол хэргийг өнөөдөр Сүхбаатар дүүргийн Эрүүгийн хэргийн анхан шатны шүүхээс прокурорт буцаалаа. Шүүхийн албан мэдээнд энэ талаар "нотловол зохих зүйлийг нотлоогүй гэсэн шалтгаанаар" гэж бичжээ.

Тодруулбал, Нийслэлийн прокурорын газраас Эрүүгийн хуулийн тусгай ангийн 20.3 /Зохион байгуулалттай гэмт бүлэг байгуулах, түүнд элсэх/ дугаар зүйлийн 1 дэх хэсэг мөн хуулийн тусгай ангийн 17.3 /залилах/ дугаар зүйлийн 3 дахь хэсгийн 3.3 дахь заалтад зааснаар яллах дүгнэлт үйлдэж ирүүлсэн БНХАУ-ын иргэн Шу Хуй Хуан /Xu Huihuang/, Хуан Яао Шэнг /Huang Yao Sheng/, Еэ Чин Хуй /Ye Quing Hui/,

Эрүүгийн хуулийн тусгай ангийн 20.3 дугаар зүйлийн 2 дахь хэсэг, мөн хуулийн тусгай ангийн 17.3 дугаар зүйлийн 3 дахь хэсгийн 3.3 дахь заалтад зааснаар яллах дүгнэлт үйлдэж ирүүлсэн БНХАУ-ын иргэн Нарсу /Narisu/, Хуан Шин Бин /Huang Shibin/, Лиан Жү Фөн /Liang Ju Feng/ нарт холбогдох эрүүгийн хэргийг Сүхбаатар дүүргийн эрүүгийн хэргийн анхан шатны шүүх 2020 оны 7 дугаар сарын 30-ны өдөр хүлээн авч,

Гэм буруугийн шүүх хуралдааныг 2020 оны 11 дүгээр сарын 09-ний өдрийн 09 цаг 30 минутад товлон хуралдаж хэргийн талаар нотолбол зохих байдал нотлогдоогүй гэсэн үндэслэлээр 2020 оны 11 дүгээр сарын 11-ний өдөр хэргийг Нийслэлийн прокурорын газарт буцааж шийдвэрлэв.

Шүүгдэгч нарт урд авсан цагдан хорих таслан сэргийлэх арга хэмжээг хэвээр үлдээсэн болно" гэжээ.

Санал болгох

С.Зоригийг хөнөөсөн хэргийг бүхэлд нь нууцаас гаргасан тогтоол бүрэн эхээрээ

Тухайн хэрэгт холбогдох зарим бичлэгийг ил болгохгүй гэж зарим албан тушаалтан саяхан Төрийн ордонд эргэлдлээ гэх мэдээлэл сэтгүүлчдийн дунд яригдаж байв. Бүр тодруулбал, ялтнуудын хоорондоо утсаар ярилцсан, уулзалдсан бичлэгүүдийг Засгийн газрын ил болгох гэж байгаа хэргийн материалаас алга болох вий гэх яриа гарсан.

7 өдрийн өмнө
Сэтгүүлчдийг тагнаж, чагнасан гэх хэргийг хаажээ

Одоогоос хоёр жилийн өмнө буюу 2018 оны дөрөвдүгээр сарын 26-нд Нийслэлийн прокурорын газрын хяналтын прокурор Г.Бясман, “Сэтгүүлчдийг хууль бусаар тагнаж, чагнасан гэх хэрэгт холбогдуулан зарим хүнийг шалгаж байна” гэсэн мэдээлэл хийж байв.

3 сарын өмнө
Сүмо Д.Батбаярын яриаг эвлүүлж, мөрдөж мөшгөсөн Ц.Алтанцагт 4 жилийн ял оноожээ

Шүүхээс шүүгдэгч Ц.Алтанцагийг “...хохирогч Д.Кёкүшюзан Батбаяр, хохирогч Б.Цэрэндорж нартай “эмчилгээний мөнгө хэрэгтэй байна” гэж уулзах үедээ нууцаар бичлэг хийж, мөрдөн шалгах ажиллагаа явуулах эрхгүй этгээд бусдыг мөрдөн мөшгисөн, бичлэгүүдээ эвлүүлж хохирогч нараас эд хөрөнгөө шилжүүлэн өгөхийг шаардан, эрх, хууль ёсны ашиг сонирхолд нь ноцтой хохирол учруулж болохуйц баримт мэдээлэл тараахаар сүрдүүлж, эд хөрөнгийг нь шилжүүлэн авсан гэмт хэрэг үйлдсэн гэм буруутайд тооцож, шүүгдэгч Ц.Алтанцагт Эрүүгийн хуулийн тусгай ангийн 13.12 дугаар зүйлийн 1 дэх хэсэгт зааснаар 1 жилийн хорих ял, мөн хуулийн тусгай ангийн 17.6 дугаар зүйлийн 1 дэх хэсэгт зааснаар 3 жилийн хорих ял тус тус оногдуулж, оногдуулсан хорих ялыг нэмж нэгтгэн, нийт 4 жилийн хорих ялыг нээлттэй хорих ангид эдлүүлэхээр шийдвэрлэлээ.

4 сарын өмнө
"Жи тайм" сүлжээний Э.Оюунчимэгийн гомдлыг хэлэлцэхээр боллоо

Түүнд анхан шатны шүүх таван жилийн ял оноосон. “Жи тайм корпорейшн” ХХК нь 11398 иргэнд 25 тэрбум 801 сая 303 мянга 770 төгрөгийн хохирол учруулсан байх бөгөөд уг хэрэг нь 586 хавтастай 11 мянга 398 хохирогчтой тул шүүх хуралдааны танхимд хохирогчдыг бүрэн оролцуулах боломжгүй байгаа ажээ.

5 сарын өмнө