Ш.Самбуу: Хүүхдүүдийнхээ төлөө хийсэн жижигхэн зүйл маань хүмүүст хэрэгтэй байгаад баяртай байна

9
2021 оны 3 сарын 292021-03-29
Ш.Самбуу: Хүүхдүүдийнхээ төлөө хийсэн жижигхэн зүйл маань хүмүүст хэрэгтэй байгаад баяртай байна

Хан-Уул дүүргийн 2-р хороо дунд голын явган хүн зорчдог хэсэгт дөрвөн хүүхдийн аав Ш.Самбуу сургуулийн насны хоёр хүүхдэдээ зориулж шат хийжээ. Түүний том охид болох С.Нандинбэлэг, С.Ялгуун нар "Наран" бүрэн дунд сургуульд суралцдаг бөгөөд өглөө өдөр энэ хэсгээр зорчдог байна. Тэрээр хүүхдүүдээ бие дааж сургахын тулд сургуульд нь хүргэж өгөхөө больсон цагаас энэ хэсгээр зорчиход хүндрэлтэй байсныг мэджээ. Харин одоо түүний хийсэн энэхүү шат олон хүнд тустай зүйл болсон байна. Энэ хэсэгт өмнө нь хуучны бетон шат байсан бөгөөд эрүүл залуу хүн ч зорчиход хүндрэлтэй байжээ.

Биднийг сурвалжлахаар очиход олон хүн энэ хэсгээр зорчиж байсан бөгөөд хэрэгтэй зүйл хийсэнд талархаж байгаа харагдлаа. Ийнхүү хүүхдийнхээ хэрэгцээнд тулгуурлаж олон хүнд тустай зүйл хийсэн Ш.Самбуутай цөөн хором ярилцлаа.

Самбуу ах 4.jpg

-Хүүхдүүдийнхээ хэрэгцээнд тулгуурлаж, шат хийсэнд маш олон хүн баяртай байна. Шат хийх санаа хэзээ хаанаас гарсан бэ?

-Би дөрвөн охины аав юм. Хоёр том маань 9, 13настай. Хоёулаа Нарны хороололд байдаг сургуульд сурдаг. Хоёр жилийн өмнөөс шат хийх санаа төрсөн. Учир нь хоёр хүүхдээ бие даалгах үүднээс сургуульд нь хүргэж өгөхөө болиод цонхоор хичээлд явахыг нь харж байсан. Тухайн үед том охин маань дүүгээ хөтөлж энэ хэсэгт ирээд эхлээд өөрөө бууж цүнхээ газар тавиад, эргэж гараад дүүгээ авч буулгаад явдаг байсан. Орчин үеийн энэ цагт ийм юм харах өрөвдөлтэй санагдаж байсан. Гэхдээ заавал төр засгийг хараад суухгүйгээр өөрөө хийж болох юм чинь гээд ийм зүйл хийсэн. Ер нь бол манай хоёроос гадна өндөр настай хүмүүст их хэцүү байсан юм билээ. Тэгээд сар гаруйн өмнө хийлгэсэн.

ЯЛгуун.jpg

Манай хоёр хүүхэд жоохон хэцүү байдаг гэж хэлнэ үү гэхээс хийгээд өг гэж гуйж байгаагүй. Би өөрөө санаачлаад л хийсэн. Жижиг шат шүү дээ. Том гүүр биш.

Самбуу ах 2.jpg

Ш.Самбуу: Шат хийсний дараа нэг эмээ баярласандаа хоёр удаа гарч буусан

-Хоёр хүүхэд нь явж үзсэн үү. Сэтгэгдэл өндөр байгаа байх?

-Хөл хориотой байгаа учраас хараахан явж үзээгүй байгаа. Гэхдээ мэдээж баярлах байх. Энэ хэсгээр байнга ажил, болон хичээлдээ явдаг хүмүүс маш их баярлаж байгаа. Яг энэ шатыг хийж дууссаны дараа нэг эмээ дээш доошоо хоёр удаа явж үзээд баярлаж байсан. Энүүгээр явсан хүмүүс нэлээн сэтгэл хангалуун байгаа. Нарны хорооллын оршин суугчдын групп, 19-р хорооллын оршин суугчдын группд  хүмүүс сэтгэгдэл өндөртэй баярлалаа гэсэн зүйлс их бичсэн байсан.

 

Самбуу ах3.jpg

-Энэ хэсгээр олон хүн зорчдог бололтой?

-Нарны хороолол болон Уран ган цогцолбор баригдсанаас хойш нэлээн олон хүн явдаг болчхоод байгаа юм. Учиргүй гудамж шиг хүн холхиод байхгүй ч тогтмол олон хүн зорчдог. Гартаа янз бүрийн юм барьсан,хүүхдээ дагуулсан, таягтай хөгшин настай хүмүүс маш их зорчдог. Тэд нарт их нэмэртэй л болсон байх.

 

Самбуу4.jpg

-Уран ган спорт цогцолбор энэ хажууханд гүүр барьж байгаа юм шиг байна шүү дээ?

-Уран ган компанийнхан өөрсдөө энд гүүр барьж байгаа юм билээ. Энэ гүүрийг барих гээд шуум сонсогдоод эхлэхэд шатыг хийлгэхээ больсон юм. Энэ гүүр байхад энд шатны хэрэг юу байх вэ дээ гэж бодсон. Гэтэл гүүр маань баригдах гэж хоёр жил хүлээгдчихлээ.

-Шат хийлгэх зардлаа өөрөөсөө гаргасан уу?

-Манай найз төмрөөр юм хийдэг юм. Найзаасаа гуйж байгаад хийлгэсэн. Ташрамд Баагий найздаа баярлалаа л гэж хэлье. Нээх айхтар зардал гараагүй. 300 орчим мянган төгрөг л болсон байх. Харин энэ самбарыг байрлуулахыг эхэндээ бодоогүй. Зүгээр шат хийхийг л урьтал болгосон. Тэгээд хийсний дараа улс төрийн сонирхлоор ашиглах гээд байсан учир түүнээс сэргийлж бичсэн байгаа.

Самбуу1.jpg

Хүүхдүүд нь сургууль луугаа 10 орчим минут алхаж очдог. Энэ хэсгээр зорчиж чадахгүй үедээ үйлчилгээний төвийн хойд талын уулзвар болон хараагүйчүүдийн гарцаар тойрдог. Ингэхдээ мөн 10 орчим минут нэмж зарцуулдаг байна. Иймд энэ хэсгийн нөхцөлийг шинэчлэх шаардлагатайг Ш.Самбуу мэдэрч нийтийн өмчийн талбайг ийнхүү засаж шат хийсэн байна. Үүнд иргэд сэтгэл ханамж өндөр байлаа.

Иргэн: Урд нь тоосго, блок, чулуу тавьчихсан байдаг байсан. Хөгшид хүүхэд явахад уначих гээд эвгүй байдаг байлаа. Харин одоо шат тавиад бариул хийсэнд баярлаж байна. Энэ шат нь бас халтирдаггүй материалаар хийгдсэн юм шиг байна. Тиймээс өвөл ч явахад амар боллоо.

Самбуу .jpg

Иргэн: Сэтгэл гаргаж хийсэн хүмүүст чин сэтгэлээсээ баярлалаа.

Самбуу3.jpg

Санал болгох

Шодойн хавдраар өвчилсөн хүмүүсийн дийлэнх нь эрхтнээ тайруулдаг

Сүүлийн жилүүдэд эр бэлэг эрхтний хорт хавдар ихсэх хандлагатай болжээ. Энэ төрлийн хавдрыг шодойн хавдар гэх бөгөөд эрт үедээ оношлогдоогүйн улмаас бэлэг эрхтнийг тайрах тохиолдол нэмэгдсэн байна. Тэгвэл бид энэ өвчний талаар Хавдар судлалын үндэсний төвийн ерөнхий мэс заслын их эмч Б.Дарьсүрэнтэй ярилцлаа.

2 өдрийн өмнө
Ганцхан хоногийн дотор хандив цуглуулж, сумынхаа ЭМНЭЛГИЙГ түргэний тэрэгтэй болгожээ

Төв аймгийн Жаргалант сумын иргэд сумынхаа Эрүүл мэндийн төвд шинэ автомашин авч өгчээ. Тус сайн үйлсийн аяныг “Жаргалантын хөгжил залуучуудын холбоо” ТББ зохион байгуулсан бөгөөд нэг хоногийн дотор автомашины мөнгө цугларчээ. Хандивт 134 иргэн, ААН, анги хамт олон оролцож нийт 25 сая 666 мянга 500 төгрөг цугларсан байна. Тэгвэл бид сайн үйлсийн талаар “Жаргалантын хөгжил залуучуудын холбоо” ТББ-ын гүйцэтгэх захирал Б.Даваажаргалтай ярилцлаа.

5 өдрийн өмнө
ҮХЦ нь хүртэл Үндсэн хуулиа буруу тайлбарлаж байгаа нь эмгэнэл

2021 оны Ерөнхийлөгчийн сонгуульд одоогийн Ерөнхийлөгч Х.Баттулга нэр дэвших эрхтэй эсэх нь маргаан дагуулсаар байгаа. Зарим хуульчдын үзэж байгаагаар Үндсэн хуулийн цэц Үндсэн хуульд байхгүй зүйлийг улстөрийн зорилгоор бий болгохыг шаардан, маргаан үүсгэж байна гэж үзэж байна.  Энэ талаар Монгол Улсын Ерөнхийлөгчийн итгэмжлэгдсэн төлөөлөгч, хууль зүйн ухааны доктор Б.Гүнбилэгтэй ярилцлаа. 

6 өдрийн өмнө
Үе дамжин өвлөгдсөн хуучин АВДРЫГ шинэчлэн засварлаж байна

Эрт үеэс өвлөгдөж ирсэн үнэт өв болох авдрыг орчин үеийн тавилгатай энэ тэнцэхүйц болтол нь засаж шинэчилж буй Б.Эрболдыг энэ удаад онцолж байна. Тэрээр хуучирч муудсан авдрыг өмнөх хийц загвараар нь сэргээн засварлахаас гадна, хэв загварыг нь өөрчилж орчин үеийн чиг хандлагад нийцүүлэн, шинэчилж байна.

7 өдрийн өмнө