Ирэх онд мал бүрээс 0-2000 төгрөгийн татвар авна

2020 оны 11 сарын 212020-11-21
Ирэх онд мал бүрээс 0-2000 төгрөгийн татвар авна

Коронавирусыг тархахаас өмнө УИХ Малын тоо толгойн татварын тухай хууль баталсан.

Тус хуулийг ирэх 2021 оны нэгдүгээр сарын 1-нээс мөрдөж эхэлнэ. Ингэснээр нэг малаас 0-2000 төгрөгийн татвар авах эрх зүйн орчин бүрдэж байна. Татварын хувь хэмжээг тухайн сум, дүүргийн ИТХ шийдвэрлэнэ.

Мөн малчдын амьжиргааг харгалзан татварын тэглэх шийдвэрийг ч ИТХ гаргах эрхтэй юм.

Энэ нь малын хөлийн татвар, бэлчээр ашигласны төлбөрөөс өөр. Малын тоо толгойн татвар нь хөрөнгийн татвар гэдгийг Сангийн сайд Ч.Хүрэлбаатар хуулийг төсөл байхад нь хэлж байсан.

Манай улсын мал, сүргийн тоо сүүлийн 30 жилд 45.1 сая тоо толгойгоор нэмэгдэж 70.9 саяд хүрсэн. Энэ нь хүн амын хүнсний хэрэгцээ, малчдын амьжиргаа, эдийн засгийн өсөлтөд эерэг нөлөөтэй ч өсөн нэмэгдэж байгаа малын тоо толгой нь бэлчээрийн хүрэлцээ, усны хомсдол зэрэг олон асуудлыг үүсгэж байна.

Иймд орон нутгийн төсвийн эх үүсвэрийг нэмэгдүүлэх, бэлчээр ашиглалт, цөлжилт, худаг усны хүрэлцээ, мал сүргийн бүтэц зэрэг асуудлыг бие даан шийдвэрлэх зорилгоор сум, дүүргийн ИТХ-д малын тоо толгойн албан татварыг хуульд заасан хязгаарт багтаан бие даан тогтоож Орон нутгийн хөгжлийн сандаа хуримтлуулан зарцуулах эрхийг олгосон нь энэ.

Санал болгох

Арилжааны зарим банкны салбар ажиллаж эхэллээ

Улсын онцгой комиссын шийдвэрийн дагуу арилжааны зарим банк өнөөдрөөс ажиллаж эхэллээ. Ингэхдээ зөвхөн тэтгэмж, хүүхдийн мөнгө зэрэг халамжийн үйлчилгээг цахимаар авах боломжгүй иргэдэд үйлчлэхээ мэдэгдэж байна. Тодруулбал, зайнаас үйлчлүүлэх боломжгүй иргэдэд зөвхөн тэтгэвэр, тэтгэмж олгоно. 

14 цагийн өмнө
Оргил худалдааны төв 250 нэр төрлийн барааг 10 хувийн хямдралтай худалдаалж байна

“ОРГИЛ ХУДАЛДААНЫ ТӨВ” нь Covid19 цар тахалтай холбоотой УОК-оос хөл хорио, онцгой дэглэм тогтоосон энэ үед буюу 2020-12-01-ныг өдрийг хүртэл НИЙГМИЙН ХАРИУЦЛАГЫН хүрээнд дараах шийдвэрийг гаргасан.

2 өдрийн өмнө
Ирэх онд мал бүрээс 0-2000 төгрөгийн татвар авна

Манай улсын мал, сүргийн тоо сүүлийн 30 жилд 45.1 сая тоо толгойгоор нэмэгдэж 70.9 саяд хүрсэн. Энэ нь хүн амын хүнсний хэрэгцээ, малчдын амьжиргаа, эдийн засгийн өсөлтөд эерэг нөлөөтэй ч өсөн нэмэгдэж байгаа малын тоо толгой нь бэлчээрийн хүрэлцээ, усны хомсдол зэрэг олон асуудлыг үүсгэж байна.

2 өдрийн өмнө