Шинэ жил дөхсөнтэй холбоотойгоор жил бүр арванхоёрдугаар сарын 30, 31-ний өдрүүдэд бялуу авах гэсэн иргэдийн дараалал үүсч, дэлгүүр худалдааны төвүүдэд хөл хөдөлгөөн их байдаг. Энэ жилийн тухайд цар тахалтай холбоотойгоор хөл хорио тогтоогоод байгаа ч урьдын адил бялуу авах гэсэн иргэдийн урт дараалал үүсчээ.
Идэр ес эхэлж, сүүлийн хэдэн өдрүүдэд 30 хэм давсан хүйтэн байгаа ч иргэд ийнхүү шинэ жилийн бялуу авахаар дараалал үүсгээд байна.
Монголын оюутны холбоо 73 их дээд сургуулийн 5000 гаруй оюутнаас цахим хичээлийнх нь талаар судалгаа авсан. Үүнээс 7 хувь нь маш сайн болон сайн гэсэн үнэлгээ өгсөн. 27 хувь нь дунд гэсэн үнэлгээ өгсөн бол 66 хувь нь маш муу гэсэн үнэлгээг өгөөд байна. Тиймээс цахим сургалт нь хүртээмжгүй юм байна гэсэн дүгнэлтэд хүрээд байна.
Сүүлийн 24 цагийн хугацаанд 9 тохиолдол шинээр нэмэгдсэн. Бүгд Улаанбаатарт илэрсэн. Бусад аймгуудад халдвар илрээгүй байна. Ийнхүү дотоодын халдварын тоо 1025 боллоо. Мөн сүүлийн 24 цагийн хугацаанд 20 эдгэрч дараагийн шатны эмчилгээнд шилжлээ.
Мөн тус хугацаанд улсын хэмжээнд 237 хүн эрүүлжүүлэгдэж, согтуугаар машин жолоодсон 45 зөрчлийг илрүүлжээ.
