Амьдай ба өсөлт

2021 оны 1 сарын 142021-01-14
Амьдай ба өсөлт

Үндэсний статистикийн хорооны 1212.mn хэмээх статистикийн мэдээллийн нэгдсэн сан бий. Энэ сангийн Хүн ам, өрхийн мэдээллийн сангаас нэрийн статистик харж болдог. Тухайлбал, Монгол Улсын 22 дахь аварга Ч.Санжаадамбыг 2016 оны наадмаар арслан, аварга цолыг давхар хүртдэг жил төрсөн 72 хүүхдэд Санжаадамба нэр олгосон байх жишээтэй. Хөдөлмөрийн баатар Н.Түвшинбаярыг Лондонгийн 2012 оны олимпод мөнгөн медаль хүртсэн жил төрсөн 321, дараа жил нь 295 Түвшинбаяр төрсөн бөгөөд аваргын нэртэй хөвгүүдийн тоо жилд 200 давж нэмэгдэж байгааг харж болно.

Үүн шиг төр, засгийн тэргүүн Х.Баттулга, У.Хүрэлсүх, Г.Занданшатар нарын амьдай нарыг шүүж үзлээ.

Ерөнхийлөгч Х.Баттулгын амьдай 8099. Түүнийг Монгол Улсын төрийн тэргүүнээр сонгогдсон жил Баттулга нэртэн 138 болж, энэ нэрийн эрэлт өмнө байснаас огцом өссөн нь харагдана. Үүнээс хойш аажмаар багасч, ахмадын тэтгэвэр тэглэх санаачилга гаргаж, хэрэгжүүлсний дараа 2020 онд бага зэрэг л өсчээ. 2021 онд Баттулгын амьдай нар өсөх болов уу.

Баттулга нэр өгчээ2.jpg

УИХ-ын дарга Г.Занданшатарын амьдай 64. Түүнийг 2016 онд УИХ-ын гишүүн, улмаар УИХ-ын дарга болж тухайн парламент Үндсэн хуулийг өөрчлөөд байхад нь дөрвөн жилд таван Занданшатар хорвоод мэндэлжээ. Занданшатар бол өвөрмөц нэр. Сүүлийн үед хүмүүс хүүхдэдээ түүхийн богино нэр өгөх болсон. Түүнийг МАН-аас ирэх зун Монгол Улсын Ерөнхийлөгчид нэр дэвших кандидат гэдэг.

Занданшатар нэр өгчээ3.jpg

Ерөнхий сайд У.Хүрэлсүхийн амьдай 785. Үүнээс 2016 онд МАН олонх болсноос хойш төрсөн Хүрэлсүх нар 67. Топор муужгай гэгдэн нам дотроо тэмцэл өрнүүлж, Засгийн газраа огцруулан, намын хурлаа хийж өөрөө намын дарга, Ерөнхий сайд болсон. 2020 оны сонгуульд дахин ялж өмнөх албан тушаалуудаа хашиж буй Хүрэлсүхийн амьдаа нар бага багаар тэлсээр байна.

Хүрэлсүх нэр өгчээ3.jpg

Санал болгох

С.Батболд: Надад төрөөс хулгай хийх шаардлага байхгүй

Ерөнхий сайдын өөрийн хүсэлтээр чөлөөлөгдөх асуудлыг УИХ-ын чуулганаар хэлэлцэж байна. Энэ үеэр Ерөнхийлөгч Х.Баттулга энэ асуудлыг дэмжихгүй байгаагаа илэрхийлсэн. Ингэхдээ “ Тусгаар Монгол Улсын эзэгнэн дарлах гэсэн бүлэглэл бүр тодорхой хэлэх юм бол УИХ-ын гишүүн, Ерөнхий сайд асан Сүхбаатарын Батболдын удирдсан бүлэглэл төрийн эргэлт хийж байна.  Өнөөдөр Оюу толгой төслийн үйл ажиллагааг дотоодын төдийгүй гадаадын хууль, хяналтын байгууллагууд шалгаж эхэлсэн бөгөөд гол холбогдогч нь Сүхбаатарын Батболд гэдгийг хаана хаанаа тогтоогоод эхэлсэн. Энэ учраас тэр Монголын төрийг хямрааж, Монголын ард түмний сонголтыг нухчин дарах ажиллагааг удирдан зохион байгуулж, хэрэгжүүлээд эхэллээ” гэсэн юм.

6 цагийн өмнө
Ерөнхийлөгч Х.Баттулга Авлигын эсрэг хуульд өөрчлөлт оруулах тухай хуульд хэсэгчилсэн хориг тавилаа

Монгол Улсын Их Хурал 2020 оны арванхоёрдугаар сарын 31-ний өдөр баталсан Авлигын эсрэг хуульд өөрчлөлт оруулах тухай хуулийн 1 дүгээр зүйлд заасан “Авлигатай тэмцэх газрын даргыг Ерөнхий сайдын санал болгосноор Улсын Их Хурал томилгооны сонсгол хийж 6 жилийн хугацаагаар томилно” гэсэн хэсэгт Монгол Улсын Ерөнхийлөгч Халтмаагийн Баттулга хэсэгчилсэн хориг тавьж байна.

8 цагийн өмнө
УИХ-ын нэгдсэн чуулган эхэллээ

УИХ-ын гишүүн Б.Пүрэвдоржийн өргөн мэдүүлсэн Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуульд өөрчлөлт оруулах тухай хуулийн төслийг хэлэлцэх эсэхийг хэлэлцэж байна.

9 цагийн өмнө
О.Батханд: Ерөнхийлөгч болон Ерөнхийлөгчийн Тамгын газраас жагсаалд оролцоогүй

Дээрх үйл ажиллагаанд Ерөнхийлөгч болон Ерөнхийлөгчийн Тамгын газраас ямар ч оролцоо байхгүй гэдгийг баттай хэлье. Тиймээс нэр төрөө сэргээлэхээр шүүхэд хандаж байна.

11 цагийн өмнө