Ц.Насанбат: Хөөн хэлэлцэх хугацааг нь сэргээж шүүхээр шийдүүлсэн хэрэг байхгүй

2021 оны 1 сарын 152021-01-15
Ц.Насанбат: Хөөн хэлэлцэх хугацааг нь сэргээж шүүхээр шийдүүлсэн хэрэг байхгүй

Өмнөх парламентын үед 2017 онд Хууль зүйн байнгын хорооны дарга байхдаа Ш.Раднаасэд гишүүн санал гаргаж, Хууль зүйн байнгын хорооны хурал дээр Дээд шүүхийн шүүгчээр томъёолол хэлүүлэн хөөн хэлэлцэх хугацааг Эрүүгийн хуулиар өөрчлөх эхлэлийг тавьсан. Ингэснээр авлига, албан тушаалын олон гэмт хэрэг хөөн хэлэлцэх хугацааны цоорхойгоор хүчингүй болох үр тарив.

Нийгмээс ихээхэн шүүмжлэл авсан УИХ, ялангуяа МАН алдааг засах шаардлагатай болсон. Ингээд УИХ-ын гишүүн Х.Нямбаатар 2019 онд Эрүүгийн хуулийг дагаж мөрдөх журмын тухай хуулийг санаачлан, батлуулахдаа хөөн хэлэлцэх хугацаа нь дууссан авлига, албан тушаалын хэргүүдийг сэргээн шалгах зохицуулалт оруулсан. Үүнийг тухайн үед олон өмгөөлөгч эсэргүүцсэн бөгөөд ээлж дараалан Үндсэн хуулийн цэцэд хандаж, хүчингүй болгуулах гомдлоо гаргацгаасан.

Үндсэн хуулийн цэцэд очсон гомдлуудыг тус байгууллага хэлэлцэлгүй удаасан нь магадгүй улстөрийн сонирхолтой эс үйлдэл байсныг үгүйсгэхгүй. Учир нь, сүүлийн нэг жил хэлэлцсэн олигтой асуудал, ачаалалгүй байсан хэрнээ 2020 оны УИХ, орон нутгийн сонгууль өнгөрсний дараа буюу саяын арванхоёрдугаар сард л Дунд суудлын хурлаа хийв. Энэ хурлаараа Эрүүгийн хуулийг дагаж мөрдөх журмын тухай хууль нь Үндсэн хууль зөрчсөн болохыг тогтоож, бүхэлд нь түдгэлзүүлэв.

Дунд суудлын хурлыг МАН-ын бүлэг ч тэр, ХЗБХ ч тэр, УИХ ч тэр хүлээн аваагүй. Өөрөөр хэлбэл, Цэц дээрх асуудлыг Их суудлаараа хэлэлцэхээр болж байна. Гэхдээ өнгөрсөн хугацаанд Үндсэн хуулийн цэцийн дунд суудлын хурлын шийдвэр их суудлын хуралдаанаар өөрчлөгдсөн тохиолдол бараг үгүй. Тэгэхээр 2017-2019 онд хөөн хэлэлцэх хугацаагаар хэрэгсэхгүй болсон авлига, албан тушаалын хэргүүдийг сэргээх шалгах боломжгүй болж, шалгасан бол Үндсэн хууль зөрчсөн болж таарах нь ээ.

Өнгөрсөн хугацаанд хөөн хэлэлцэх хугацаагаар хэрэгсэхгүй болгосон хэргүүдийг сэргээн шалгаж эхэллээ гэж мэдээлэл цацаж байсан прокурорын байгууллагаас мэдээлэл хийх үеэр Нийслэлийн прокурорын орлогч Ц.Насанбат сэтгүүлчдэд, “Нийслэлийн прокурорын газрын хувьд энэ Эрүүгийн хуулийг дагаж мөрдөх журмын тухай хуультай холбоотойгоор шүүхэд энэ хуулийг хэрэглэж шүүхэд гэм буруутайд тооцуулсан хэрэг байхгүй гэдгийг хэлье” гэв.

 

Санал болгох

Хонгил нурах уу: Цагдаагийн дөрвөн ч дарга МАН-д элслээ

Араа санаж, алсаа бодож цагдаа нар гэмт хэрэгтэй хэрэгтэй ажилладаг, дарга нар нь дэвших, дэвжихээ бодоод улстөрчидтэй сүжирдэг болчихвол цагдаагийн цагаан шонхор хараах байлгүй дээ. Ийм учраас наанадаж цагдаа, цэрэгт байсан, прокурор, шүүхэд байсан хүмүүсийг улс төрийн албан тушаалд томилохыг хориглох шаардлагатай. Тэгэхгүйгээр хуулийнхан улстөрждөг, улстөрчидтэй сүжирдэг, чиглэл авдаг гэх яриа багасахгүйгээр үл барам өнөө цагт хамгийн их ярьдаг “Шударга бусын хонгил” гээч нурахгүй.

19 өдрийн өмнө
Шинэ Засгийн газарт Ерөнхийлөгчийн өгсөн даалгавар

Намрын чуулганы төгсгөлд Засгийн газраа чирч огцорсон У.Хүрэлсүхийн шийдвэр Ерөнхийлөгчийн сонгуулийн улстөр албан ёсоор эхэлснийг бидэнд сануулав. УИХ-ын индрээс “Олон нийтийн бухимдлыг улс төрийн үйл ажиллагаанд ашиглаж, санхүүжүүлсэн Ерөнхийлөгчтэй хариуцлага тооцох ёстой гэж МАН-ын даргын хувьд үзэж байна” гэв. Бэлтгэл хурандаа У.Хүрэлсүх окопноосоо ирэх гуравдугаар сарын 1-нд тохиох Эх орончдын баяраас наана гарч ирэхгүй нь тодорхой болов. Ардын хувьсгалын 100 жилийн ойн нээлт, гуравдугаар сарын 15-нд эхлэх УИХ-ын хаврын ээлжит чуулган дээр У.Хүрэлсүхийн юу хэлэх нь сонин байна.

1 сарын өмнө
Ц.Насанбат: Хөөн хэлэлцэх хугацааг нь сэргээж шүүхээр шийдүүлсэн хэрэг байхгүй

Өмнөх парламентын үед 2017 онд Хууль зүйн байнгын хорооны дарга байхдаа Ш.Раднаасэд гишүүн санал гаргаж, Хууль зүйн байнгын хорооны хурал дээр Дээд шүүхийн шүүгчээр томъёолол хэлүүлэн хөөн хэлэлцэх хугацааг Эрүүгийн хуулиар өөрчлөх эхлэлийг тавьсан. Ингэснээр авлига, албан тушаалын олон гэмт хэрэг хөөн хэлэлцэх хугацааны цоорхойгоор хүчингүй болох үр тарив.

1 сарын өмнө
Нисдэггүй бор морь буюу Хэвлэлийн эрх чөлөөний хууль

ҮАБЗ-ийн гурван гишүүний хэвлэлийн эрх чөлөөг бэхжүүлэх тухай үгс улиг болжээ. Хэвлэлийн эрх чөлөөний тухай хуулийн төсөл яав аа. Өнөө УИХ, Засгийн газар нь нисдэг бор морийг нь ид гээд явуулсан юм уу, нисдэггүй бор морийг нь идээд ир гэсэн юм уу.

3 сарын өмнө