Б. Бат-Эрдэнэ
Редактор

“Шагналын золголт”-д цар тахал хамаагүй юу

1
2021 оны 2 сарын 82021-02-08
“Шагналын золголт”-д цар тахал хамаагүй юу

2021.02.08-ны байдлаар коронавирусийн дотоодод батлагдсан тохиолдлын тоо 2073 болов. Цар тахлын энэ үед маскаа зүүж, хүний бөөгнөрөл үүсгэхгүй, айл хэсэхгүй, нэгнийдээ зочлохгүй, золгохгүй байхыг ЭМЯ, УОК-оос анхааруулсаар байна. Гэтэл аймаг сумдын дарга нараас эхлээд улсын "том дарга" нар хүртэл зориудаар хүний бөөгнөрөл үүсгэж, айл хэсэж, “золголт” хийж эхэллээ.

УИХ дарга баянхонгор малчдад аварга малчин тусламж.jpg

Тухайлбал, УИХ-ын дарга Г.Занданшатар Баянхонгор аймагтаа айлчилж, малчдад өөрийн гараар хүнс тэжээлийн тусламж гардуулж өгөв. НИТХ-ын төлөөлөгч Д.Пүрэвдаваа Баянзүрх дүүргийн 100-с дээш настай буурлуудынхаар зочилж, сар шинийн бэлэг гардуулж өгснөө зарлалаа. Цаашлаад улсын аварга малчин өрх, мөнгөн төлийн эзэн, аварга тариаланчдын хотонд аймаг сумдын удирдлагууд “десант буулгаж”, маск бээлий ч үгүй хүмүүс монгол гэрт шахцалдсан зургууд цахим орчинд хөвөрч эхэллээ.

Д.Пүрэвдаваа бэлэг ерөнхийлөгчийн коронавирус хүний бөөглөрөл 1.JPG

Угтаа цахимаар золгож, цахимаар шинэлэхийг төр засгаас уриалж, сар шинийн баярын үеэр хатуу хөл хорио тогтооно гээгүй билүү.

Өнөөдөр гэхэд л Төрийн ордонд шагналын хур бууж, төв талбайд зуу зуун хүмүүс бөөгнөрнө! Баярт мөчийг нь хуваалцаж, урмын үгээ хэлж, уухай хашхирч байгаа тэр олон хүн дунд цар тахлын эрсдэл байхгүй гэж үү. Ажил албаа үнэлүүлж, гавьяа шагнал хүртэж байгаа эрхмүүдэд буруу байхгүйг энд дурьдъя.

Эрүүл явахад олон олон цагаан сарын баяр тэмдэглэнэ. Эрүүл явахад олон олон шагнал ч хүртэнэ, хүртээнэ! 

Сар шинийн баяраас татгалзсан шийдвэрийнхээ нэгэн адил шагналын золголтоосоо ч энэ удаад татгалзсан бол цар тахлын эрсдэлийг бууруулах зөв шийдвэр байх байлаа.

Маскаа зүүж, хүн хоорондын зайгаа барьж, бөөгнөрөл үүсгэхгүй байцгаая.

 

аварга малчин шагнал коронавирус.jpg
аварга малчин шагнал коронавирус 3.jpg

 

аварга малчин шагнал коронавирус 4.jpg

 

аварга малчин шагнал коронавирус 1.jpg

 

Санал болгох

 "Бэлтэс мөрөн" ХХК-ийн 13 тээврийн хэрэгсэл, 12 үл хөдлөх хөрөнгийг хураажээ

Хөвсгөл аймагт 2021 оноос "Нэмэх даатгал" нэрээр иргэдийн мөнгийг татан төвлөрүүлж, мөнгийг залилж байсан гэх үндэслэлээр "Бэлтэс мөрөн" ХХК-ийн удирдах албан тушаалтнуудыг цагдаагийн байгууллагаас шалгаж, цагдан хориод олон сар болж байгаа.

2 цагийн өмнө
Б.Баатархүү: ОХУ-ын иргэн Д-г  48 цаг  саатуулсан

Цагдаагийн Ерөнхий газрын  Хэвлэл мэдээллийн төвийн дарга, цагдаагийн хурандаа Б.Баатархүү өнөөдөр /2022.09.26/ дараах мэдээллийг өглөө.

2 цагийн өмнө
Lil Tug E буюу Г.Төгөлдөр тэнгэрийн оронд заларчээ

“Одоо”, “Хавар”, “Анзаарахгүй” зэрэг дуунуудаараа сонсогчдынхоо хайр хүндэтгэлийг хүлээсэн реппер, ая зохиогч, продюсер "Lil Thug E" буюу Г.Төгөлдөр  цусны цочмог хорт хавдартай болох нь 2021 оны есдүгээр сард оношлогдсон. Тэрбээр хүнд өвчинтэйгөө удаан хугацааны турш тэмцсэн ч харамсалтай нь  тэнгэрийн оронд заларчээ.

3 цагийн өмнө
Согтуудаа 30 метрийн хясаан дээр машинтайгаа гарсан иргэнийг  буулгажээ

Согтуудаа жолооны ард сууж 30 метрийн өндөр хясаан дээр автомашинтайгаа гарч, хаданд тэгнэж тогтсон иргэнийг орон нутгийн Онцгой байдлын албаныхан буулган авчээ.

4 цагийн өмнө