Засгийн газрын эхний 100 хоногийн ажлын үр дүнг Ерөнхий сайд Л.Оюун-Эрдэнэ танилцууллаа. Энэ үеэр Засгийн газраас хэрэгжүүлэх 100 төсөл арга хэмжээний талаар Сангийн сайд Б.Жавхлан мэдээлэхдээ "100 төсөл арга хэмжээг хэрэгжүүлснээр 2030 он гэхэд нэг хүнд ногдох ДНБ 10000 ам.долларт хүрч, ДНБ 3 дахин нэмэгдэнэ гэж тооцоолж байгаа. Энэ төслийн хүрээнд эдийн засгийн 50, нийгмийн 30, бүтцийн өөрчлөлт шинэчлэлийн 20 арга хэмжээг ойрын 10 жилдээ багтааж хэрэгжүүлэх юм. 100 төслийн эхний 80 нь их хэмжээний төсөв шаардахгүй, 55 их наяд төгрөгийн төсөвтэй байна. Үүнээс 9 төсөл нь стратегийн чухал ач холбогдолтой учраас төр хяналтдаа байлгах юм. Оюутолгойн төслийг бид дотоодоосоо хамааралтай байлгана гэдэг стратегийн чухал ач холбогдолтой юм." гэлээ.
