Ерөнхийлөгч У.Хүрэлсүх маргааш НҮБ-ын индерт байр сууриа илэрхийлнэ

2021 оны 9 сарын 222021-09-22
Ерөнхийлөгч У.Хүрэлсүх маргааш НҮБ-ын индерт байр сууриа илэрхийлнэ

Монгол Улсын Ерөнхийлөгч У.Хүрэлсүх 9 дүгээр сарын 21-нд Нью-Йорк хотноо эхэлсэн НҮБ-ын Ерөнхий Ассамблейн 76 дугаар чуулганы Ерөнхий санал шүүмжлэлийн нээлтийн хуралдаанд оролцлоо.

Ерөнхий санал шүүмжлэлийн нээлтийн хуралдаанд НҮБ-ын Ерөнхий нарийн бичгийн дарга Антонио Гутерреш хэлсэн үгэндээ итгэлцлийг сэргээж, эв нэгдлийг бэхжүүлж, итгэл найдварыг өдөөхийн тулд хамтын ажиллагаа, яриа хэлэлцээ, харилцан ойлголцыг бэхжүүлэх шаардлагатай байгааг онцлоод вакцин үйлдвэрлэлийг дор хаяж хоёр дахин нэмэгдүүлж, 2022 оны эхний хагаст дэлхийн хүн амын 70% хувийг вакцинжуулах төлөвлөгөө хэрэгтэй байгааг тэмдэглэв.

НҮБ-ын Ерөнхий Ассамблейн 76 дугаар чуулганы дарга Абдулла Шахид хэлэхдээ жил хагасын турш дэлхий нийтээрээ чимээгүй намжмал байдал, түгшүүрт шаналж, хүлээлтийн байдалд байсан тул дахин хүлээлгүй дэлхийн хүн амыг бүрэн вакцинжуулах, КОВИД-19 цар тахлын дараах сэргэлтэд анхаарахыг гишүүн орнуудад уриалав. Түүнчлэн хүний эрх, уур амьсгалын өөрчлөлт, НҮБ-ыг бэхжүүлэхэд Ерөнхий Ассамблейн чуулганы даргаар ажиллах хугацаандаа чухалчлан анхаарахаа мэдэгдэв.

Ерөнхий санал шүүмжлэлийн энэ өдрийн хуралдаанд АНУ, Бразил, БНСУ, БНХАУ, Катар, Турк, Швейцар зэрэг улсын төр, засгийн тэргүүн нар үг хэлж, улс орныхоо гадаад бодлого, олон улсын тавцанд тулгамдаж буй асуудлуудаар байр сууриа илэрхийлэв.

НҮБ-ын Ерөнхий Ассамблейн 75 дугаар чуулган КОВИД-19 цар тахлын улмаас 2020 онд цахим хэлбэрээр болсон бол энэ удаагийн чуулганд 100 гаруй улсын төр, засгийн тэргүүн нар биечлэн оролцож, дэлхий нийтийн тулгамдсан асуудлаар байр сууриа илэрхийлж, цаашид авч хэрэгжүүлэх бодлого, үйл ажиллагааны талаар санал бодлоо солилцож байна.

Монгол Улсын Ерөнхийлөгч У.Хүрэлсүх чуулганы 2 дахь өдрийн хуралдаанд үг хэлж, олон улсын харилцааны тулгамдсан асуудлуудаарх өөрийн улсын байр суурийг илэрхийлнэ. НҮБ-ын Ерөнхий Ассамблейн 76 дугаар чуулганы Ерөнхий санал шүүмжлэл 9 дүгээр сарын 21-27-ны өдрүүдэд үргэлжилнэ.

Санал болгох

Ихэр хүүхэд төрүүлсэн ээжүүд 20 хоног нэмэгдүүлж халамж авна

Нийгмийн даатгалын тухай хууль анх 1994 онд батлагдсан бөгөөд үүнээс хойш 26 удаа нэмэлт, өөрчлөлт оруулжээ.

16 цагийн өмнө
ҮБХИС-ийн багш нарт төрийн дээд одон гардууллаа

Үндэсний батлан хамгаалахын их сургуулийн 100 жилийн ойг тохиолдуулан төрийн дээд цол, одон, медаль хүртээв

17 цагийн өмнө
С.Эрдэнэ: Х.Баттулгын урт гар дахиад бүлгийг тараах гэж байна

Ардчилсан намаас намын гишүүн Ц.Тувааныг хамаас хөөсөн талаар мэдээлэл хийлээ.

19 цагийн өмнө
Шүүх эрх мэдэл, хууль сахиулах алба хаагчдын үндэсний чуулган болж байна

Үндэсний чуулганд шүүх, прокурор, Шүүхийн ерөнхий зөвлөл, Авлигатай тэмцэх газар, Тагнуулын ерөнхий газар, Цагдаагийн ерөнхий газар, Шүүхийн шийдвэр гүйцэтгэх газар, Гадаадын иргэн, харьяатын газар, Шүүхийн шинжилгээний үндэсний хүрээлэн, Хүний эрхийн үндэсний комисс, Монголын Хуульчдын холбоо, Монголын Өмгөөлөгчдийн холбоо, Монголын нотариатчдын танхим, Хууль зүйн үндэсний хүрээлэн, Хууль зүйн туслалцааны төв, Ерөнхийлөгчийн Тамгын газар, Улсын Их Хурал, Засгийн газар, Үндсэн хуулийн цэц, олон улсын байгууллагын удирдлага, ажилтан, алба хаагчид оролцож байна.

19 цагийн өмнө