Б.Энхбаяр: Улстөрчид өө гүтгэж, доромжиллоо гэж эрүүгийн шүүх, цагдаагаар иргэдээ ялладгаа больё

2
2022 оны 5 сарын 202022-05-20
Б.Энхбаяр: Улстөрчид өө гүтгэж, доромжиллоо гэж эрүүгийн шүүх, цагдаагаар иргэдээ ялладгаа больё

УИХ-ын Хүний эрхийн дэд хорооны дарга Б.Энхбаяр өнөөдөр "Дэлхийн хэвлэлийн эрх чөлөөний индекст манай улс 22 байраар ухарч “ардчилсан бус” улсад тооцсонд дүгнэлт хийж, бодит үйлдэл хийх шаардлага байна. Юун түрүүн Эрүүгийн хуульд зааснаар гүтгэж, доромжиллоо гэж эрүүгийн шүүх, цагдаагаар улстөрчид нь иргэд, сэтгүүлчдээ ялладгаа больё" гэлээ.

Тэрээр Хүний эрхийн үндэсний комиссын дарга Ж.Хунанд, Монгол Улс Хэвлэлийн эрх чөлөөний индекст 22 байр ухарсан шалтгааныг тус байгууллага хэрхэн үнэлж, энэ дүгнэлтийг залруулж урагшлуулах талаар ямар төлөвлөгөөтэй байгаа талаар мэдээлэл хүссэн байна.

УИХ-ын гишүүн Б.Энхбаяр хувьд Хууль зүйн байнгын хорооны хурал дээр "Иргэдийнхээ итгэл үнэмшлийг шоронжуулж болохгүй" хэмээн байр сууриа илэрхийлж байсан.

FTKjOOeXEAA3bFi.jpg

Мөн Эрүүгийн хуульд нэмэлт өөрчлөлт оруулах тухай хуулийн төслийг УИХ-ын сэтгүүлч гишүүд болох Б.Жаргалмаа, М.Оюунчимэг нартай хамтран санаачилж, өргөн барьсан. Тэрээр Улс төрч хүний ард төрийн нэр хүнд, олон нийтийн эрх ашиг байдаг. Тиймээс улс төрч хүн хариуцлагатай, нээлттэй байх ёстой тул хлбаны бүрэн эрхээ хэрэгжүүлсэнтэй нь холбоотой хардлага, сэрдлэгт хүлээцтэй, тэвчээртэй байх хэрэгтэй. Өөрөөр хэлбэл, иргэдийн үг хэлэх, үзэл бодлоо илэрхийлэх, хардах эрхийг албан тушаалын давуу байдлаа ашиглан зөрчиж болохгүй. Харин улс төрчийнх нь бус хувь хүнийх нь үүднээс эсхүл гэр бүлийнх нь үнэ цэнэд нь халдсан гүтгэлэгтэй холбоотой асуудлаар гомдол гаргаж, нэр төрөө сэргээлгэх эрхэд нь халдаагүй. УИХ өнгөрсөн онд Эрүүгийн хуулийг өөрчлөхдөө гүтгэх гэдгийг худал мэдээ тараах болгож өөрчилсөн. Үүнийг буцааж, гүтгэх гэдэг агуулгаар нь оруулах нь зөв гэж үзсэн. Гүтгэх гэдэг үг нь хууль зүйн хувьд гүжирдсэн гэдэг агуулга илэрхийлдэг. Өөрөөр хэлбэл, тухайн үйл явдлын үнэн мөнийг мэдсээр байж санаатайгаар худлаа мэдээлсэн үйлдлийг хэлдэг. Харин худал мэдээлэл тараах гэдэг нь санамсаргүйгээр алдаа гаргаж ташаа мэдээлэл тараах тохиолдлыг хэлнэ. Тиймээс тухайн хүн санамсаргүй алдсан тохиолдолд эрүүгийн ял ногдуулах нь эрхзүйн байдлыг дордуулсан үйлдэл” гэж байв.

Ташрамд, Хууль зүй, дотоод хэргийн сайд Х.Нямбаатар олон жилийн өмнө Эрүүгийн хуулиас хасагдсан "доромжлох" үйлдлийг Эрүүгийн хуульд сэргээн хуульчлах хүн доромжилсон үйлдлийг эрүүгийн ялтай байхаар хуулийн төсөл өргөн барьсан. Үүнийг нь олон нийт ихээр эсэргүүцэж байгаа юм.

Г.Болд

 

Санал болгох

Ерөнхий прокурорыг улстөрчөөр сольж болох хууль санаачилжээ

Эрдэнэт үйлдвэрийн захирал, АН-ын дарга байсан Д.Дорлигжавыг тэр жил Ц.Элбэгдорж Ерөнхийлөгчөөр ажиллаж байхдаа Улсын ерөнхий прокуророор томилж байв. Нэгдмэл босоо тогтолцоотой прокурорын байгууллагын Төрийн хууль цаазын тэргүүн зөвлөх зэрэг дэв дээр улстөрч томилсон энэ асуудал шүүх засаглалд нүүрлэсэн хямрал гэж хуульчид хэлдэг.

1 сарын өмнө
Худлаа хэлсэн бол эрүүгийн ял тулгах хууль санаачилжээ

Эрүүгийн хуулийн 13.14 дэх хэсгээс “илт” гэдэг үгийг хасах гэж байгаа юм байна. Өөрөөр хэлбэл, таны нийгмийн сүлжээний бичсэн сэтгэгдэл, жиргээ, хурал, зөвлөгөөн дээр хэлсэн үг, групп чат, олны дунд хэлсэн үг нотлогдохгүй, худлаа байвал та ялтан болно. “Илт худал” буюу оргүй худлаа байх албагүй. Давсалсан, хачирласан, хүч нэмсэн, эмоци орсон үгэндээ та ороогдож шоронгийн хаалга татах нь ээ. Хүн бүр үгээ цэнэдэг, чин үнэнээ гэрчлэн мэдүүлдэг, хатуу үг нэгэндээ хэлдэггүй, шүүмжлэлээс тас ангид нийгэм рүү Х.Нямбаатар сайд биднийг чирэх гэж байна. За тэр пранкчид бол баяртай болох нь.

1 сарын өмнө
Б.Энхбаяр: Улстөрчид өө гүтгэж, доромжиллоо гэж эрүүгийн шүүх, цагдаагаар иргэдээ ялладгаа больё

Тэрээр Хүний эрхийн үндэсний комиссын дарга Ж.Хунанд, Монгол Улс Хэвлэлийн эрх чөлөөний индекст 22 байр ухарсан шалтгааныг тус байгууллага хэрхэн үнэлж, энэ дүгнэлтийг залруулж урагшлуулах талаар ямар төлөвлөгөөтэй байгаа талаар мэдээлэл хүссэн байна.

1 сарын өмнө
Түүхий төслийнхөө бурууг түүнд нялзаагаад яах вэ дээ, Д.Сумъяабазар аа

Д.Сумъяабазар аль дээрээс хойш яриад байсан LRT төсөлдөө хэтэрхий хариуцлагагүй загнажээ. ТЭЗҮ-г нь хэдхэн сарын дотор “машиндсан” байж болох ч энэ хугацаанд иргэддээ учир байдлаа ойлгуулах, таниулах ажлаа хийгээгүй байна. Засгийн газраар өрийн баталгаа гаргуулах гэж байж зээлдэгч компаниа дөнгөж саяхан байгуулсан байх жишээтэй.

2 сарын өмнө