“Инвескор ББСБ” ХК-ийн нэмж гаргаж буй хувьцааны анхдагч зах зээлийн арилжааг нээж, цан цохих ёслол боллоо

2022 оны 6 сарын 272022-06-27
“Инвескор ББСБ” ХК-ийн нэмж гаргаж буй хувьцааны анхдагч зах зээлийн арилжааг нээж, цан цохих ёслол боллоо

Санхүүгийн Зохицуулах Хорооны 2022.06.08-ны өдрийн хуралдаан шийдвэрээр “Инвескор ББСБ” ХК-д нэмэлт хувьцаа /FPO/ гаргах зөвшөөрлийг олгосон билээ.

“Инвескор ББСБ” ХК өөрсдийн 5.28% буюу 4,000,000 ширхэг хувьцааг олон нийтэд санал болгож байгаа юм. Тодруулбал, нэгж хувьцааны үнийг 4155₮-өөр тооцож, нийт 16.6 тэрбум төгрөгийг татан төвлөрүүлэх юм. Ийнхүү МХБ дээр өнөөдөр буюу 06-р сарын 27-ны өдөр нэмэлт хувьцааны анхдагч зах зээлийн арилжааны нээлт албан ёсоор эхэлж, цан цохих ёслолоын ажиллагаа боллоо. Хувьцааны захиалгыг 07-р сарын 01-ний өдрийг хүртэл өдөр бүр 10:00 – 17:00 цагийн хооронд авах ажээ.

Тус компани 2019 онд IPO хийх үедээ 6 салбартайгаар зээлийн үйл ажиллагаа явуулдаг байсан бол өдгөө орон даяр уламжлалт санхүүгийн үйлчилгээ үзүүлдэг биет 15 салбар, мөн олон улсад 3 салбартайгаар үйл ажиллагаа явуулж байгаагаас гадна Pocket аппликейшнээр дамжуулан Финтект суурилсан бүтээгдэхүүн үйлчилгээг хүргэж байна.  

Мөн түүнчлэн тэд дотооддоо явуулж буй бизнесээ Бүгд Найрамдах Киргизстан Улсын зах зээлд нэвтрүүлэн уламжлалт ББСБ-ын үйл ажиллагаагаа амжилттай ажиллаж байгаа бөгөөд охин компани болох Pocket апп-ыг тус улсад нэвтрүүлэх ажил явагдаж, Киргиз Улсад 3 биет салбар, 22 ажилтантай болж, зээлийн багцын хэмжээ нь ₮7.6 тэрбумд хүрчээ. Харин тэд ирэх онд Бүгд Найрамдах Казахстан Улсад охин компани байгуулах бол 2023 онд Узбекистан Улсын зах зээлд нэвтрэх гэнэ. 

“Инвескор ББСБ” ХК нь ААН-д зориулсан 7 төрлийн, хувь хүнд зориулсан 4 төрлийн зээлийн үйлчилгээг 80 мянга гаруй харилцагчдад олгожээ. Компанийн хувьд өнөөдөр 200 гаруй ажилтантай 323 тэрбум төгрөгийн зах зээлийн үнэлгээтэй МХБ дээрх 3 дахь том ХК болж, Монголдоо ББСБ салбарын тэргүүлэгч болоод зогсохгүй Төв Азийн 1,485 ББСБ-ын топ 10-т багтах болсон байна. Түүнчлэн өнгөрсөн жилд 41 тэрбум төгрөгийн хүү, шимтгэлийн орлого олж, 19 тэрбум төгрөгийн цэвэр ашигтай ажилласан аж. Үүнээс 1.8 тэрбум төгрөгийн ногдол ашгийг хувьцаа эзэмшигчдэдээ тараажээ.

Бүтээгдэхүүн, үйлчилгээндээ технологийн шийдлийг хослуулан хөгжүүлж, гадны зах зээл рүү үе шаттайгаар тэлж, санхүүгийн үзүүлэлтээрээ салбартаа тэргүүлж буй тус компанийг хөрөнгө оруулалт хийхээр төлөвлөж буй хэн бүхэн сонирхон, судалж байгаа биз ээ…

6.jpg

1.jpg

2.jpg

4.jpg

8.jpg

Санал болгох

Наймдугаар сард 71.7 тэрбум төгрөгийн ипотекийн зээл олгоно

Орон сууцны ипотекийн зээлийн хөтөлбөрийн хүрээнд 2021 онд Монголбанк болон банкуудын эх үүсвэрээр нийт 1.0 их наяд төгрөгийн зээлийг 13.5 мянган өрхөд олгов.

8 өдрийн өмнө
Сингапурын Хуримтлалын нэгдсэн сангийн тогтолцоог Монголд бий болгохоор зөвлөхүүд урьжээ

Сингапур Улс хуримтлалын нэгдсэн сангийн тогтолцоог 60 аад жилийн өмнө бий болгосон. Анх иргэн бүр тэтгэврийн насанд хүрэхээрээ өөрсдийн амьжиргаанд хангалттай хүрэлцэхүйц хуримтлал үүсгэж, төр засаг болон өөр хэн нэгнээс хараат биш байх нөхцөлийг бүрдүүлэх зорилготой байсан бол хөгжлийнхөө явцад эрүүл мэнд, боловсрол, байр худалдан авах, хөрөнгө оруулалтын чиглэлээр ашиглах боломжтой хуримтлалын сан болж хөгжсөн байна.

8 өдрийн өмнө
Танкны үлгэр төгсөж, Тавантолгойн экспорт сэргэх нь

Хятадын Гадаад хэргийн сайд Ван И Монголд айлчлахдаа Гашуунсухайт-Ганцмод боомтыг төмөр замаар холбох асуудлыг манай талтай эцэслэн тохиролцож, нүүрсний экспортоо тогтвортой үргэлжлүүлэх гэрээ байгуулахаар болов. Эдийн засаг хямарсан энэ үед дэлхийд нүүрсний хэрэглээгээрээ тэргүүлж буй хөрш БНХАУ-д нүүрсээ төмөр зам, авто замаар тогтмол нийлүүлнэ гэдэг бол Монголын эдийн засагт эерэг өөрчлөлт авчирна.

11 өдрийн өмнө