М.Рысбек: Казах хүүхдүүдэд 6 наснаас нь монгол хэл заах буруу

2
2022 оны 6 сарын 292022-06-29
М.Рысбек: Казах хүүхдүүдэд 6 наснаас нь монгол хэл заах буруу

Үндэстний цөөнх гэгддэг Баян-Өлгий, Хөвсгөл, Ховд, Увс аймгийн алслагдмал газар зүйн байдал, өвөрмөц соёл, зан заншлаас улбаалан казах, тува хүүхдүүдэд чиглэсэн боловсролын бодлого, ялангуяа эх хэл, соёл хосолсон үйлчилгээг сонгох талаар төрөөс тодорхой бодлого үгүйлэгдэж эрх нь зөрчигдөж байгаа талаар Баян-Өлгий аймгийн иргэн М.Рысбек өнөөдөр мэдээлэл хийлээ.

Тэрээр “Монголчууд казах үндэстний талаар нийтлэг буруу ойлголт үүсгэсэн байдаг. Үүний талаар тайлбар мэдээлэл хиймээр байна. Сурагчдын Элсэлтийн ерөнхий шалгалтын дүн гарахад монгол хэлний шалгалтад Баян-Өлгий аймгийн сурагчид сүүл мушгисан гэсэн хариу гарсан. Энэ асуудал сурах бичгийн хүртээмж, багш сурган хүмүүжүүлэгчийн чадварын түвшинтэй шууд холбоотой юм.

Алслагдсан аймаг, сумдад сурах бичгийн хүртээмж 30% буюу маш муу хүртээмжтэй байна. Мөн Баян-Өлгий аймагт багшаар ажиллаж буй боловсон хүчний мэдлэг маш тааруу байгаа тухай судалгаа байгаа юм. Монгол хэлийг долоо хоногт 5-7 цаг ордог боловч чанар муу, хичээл орох цагийг нэмсэн ч ахисан үр дүн гарахгүй байсаар уг шалгалтад сүүл мушгисан дүн гарлаа.

Уг систем нь хүүхдүүдийг казах хэл ч үгүй, монгол хэл ч үгүй боловсрол муутай хүн болгоход хүргэж байгаа юм. Казах хүүхдүүд монгол хэл сурах хүсэлгүйдээ биш суралцах систем нь муу учир монгол хэлний түвшин нь тааруу байна.

Мөн ирэх хичээлийн жилээс нэгдүгээр ангиас эхлэн монгол хэл заах тухай хэлэлцсэн. Энэ нь тухайн хүүхдийн хувьд маш их ачаалал бөгөөд үндэстний сурах, боловсрох, хэл шашинаа сонгох эрхийг зөрчсөн асуудал. Аливаа эрх зөрчигдөх суурь нь тогтолцоонд байдаг буюу бүлгийн суралцагчдын талаарх бодлого шийдвэр хийдэлтэй, төсөв хөрөнгө оруулалт дутуу дулимаг эсвэл эрэлт хэрэгцээг нь үл хайхарч буйн илрэл болж байна. Дэлхийн олон улсад хүний хэл сурах эрхэд халдахгүйгээр өөрийн сонголт болгож үлдээдэг. Энэ асуудалд Боловсрол, шинжлэх ухаан, спортын сайд Л.Энх-Амгалангаас судалгаа шинжилгээ хийж үр дүнтэй арга хэмжээ авахыг шаардаж байна” гэлээ.

Мөн тэрээр нэгдүгээр ангиас буюу зургаан настай хүүхдэд хүчээр монгол хэл заах асуудалд эсэргүүцэл үзүүлж тууштай тэмцэнэ гэдгээ онцоллоо.

Санал болгох

ХЭМНЭЛТ:  Ганц бие залуусын "зугаа"

Энэхүү чуулганы тухай тус газраас мэдээлэхдээ “Аймгийнхаа хөдөлгөгч хүч болсон залуучуудынхаа тулгамдаж байгаа асуудлыг соргогоор харж тэднийг нөхөрлүүлэх, танилцах боломж олгож буй арга хэмжээ” гэж тодотгожээ.

5 өдрийн өмнө
Өвөрхангай аймаг ус, сүүний ган савны үйлдвэртэй боллоо

"Чиглэл" ХХК хэд хоногийн өмнө тус компанийнхан Өвөрхангай аймгийн түүхт 90, 91 жилийн ойн баяр наадмаар үйлдвэрийн нээлтээ хийж, иргэдэд Хаан банкны орлого нотлохгүй, идэвхтэй дансанд суурилсан лизингийн үйлчилгээгээр, борлуулалт хийж байгаа юм.

8 өдрийн өмнө
Орхон аймагт хурдан морины уралдааныг сарын хугацаанд хориглолоо

Булган аймгийн Булган сумын нутаг дэвсгэрт малын гоц халдварт үхрийн арьс товруутах өвчин оношлогдож баталгаажсан  тул тус өвчин Орхон аймагт тархахаас урьдчилан сэргийлэх зорилгоор амьд малын шилжилт хөдөлгөөн болон хурдан морины уралдааныг 2022 оны 8 дугаар сарын 11-ний өдрөөс 9 дүгээр сарын 11-ний өдөр хүртэл нэг сарын хугацаанд хориглох Засаг даргын А/549 тоот захирамж гарлаа. 

8 өдрийн өмнө
З.Мэндсайхан: Ургац хураалтад 10-15 мянган хүн хэрэгтэй байгаа

Улс даяар өрнүүлж байгаа “Хүнсний хангамж аюулгүй байдал” үндэсний хөдөлгөөний хэрэгжилтэд Засгийн газар, Хүнс, хөдөө аж ахуй, хөнгөн үйлдвэрийн яамнаас онцгойлон анхаарахын зэрэгцээ энэ намрын ургац хураалтын бэлтгэл ажлыг хангах чиглэлээр дараах шийдвэрийг гарган хэрэгжүүлж байгаа. 

8 өдрийн өмнө