Гадаадын 25 бөх наадамд барилдах хүсэлтээ ирүүлжээ

2022 оны 7 сарын 42022-07-04
Гадаадын 25 бөх наадамд барилдах хүсэлтээ ирүүлжээ

Үндэсний их баяр наадмыг зохион байгуулах хорооноос өнөөдөр мэдээлэл хийлээ. Тус хорооны мэдээллээр  баяр наадмын үеэр 24-25 бөх барилдах хүсэлтээ урьдчилсан байдлаар ирүүлсэн болохыг Бөхийн салбар хорооны дарга, Хууль зүйн дотоод хэргийн яамны ТНБД П.Сайнзориг хэлэв. Түүний мэдээлснээр,

  • Тува 5
  • Халимаг 4
  • Буриад 4 
  • Өвөр Монголын 2 бөх хүсэлтээ ирүүлсэн байна.

Бөхийн барилдаантай холбогдуулан тэрбээр “Баяр наадмын өдрүүдэд ямар нэгэн ялгаварлан гадуурхалт байх ёсгүй учир бид хүсэлтийг хүлээн авахаар ажиллаж байна. Тэдний ихэнх нь монгол туургатан буюу үндэсний бөхөөр хичээллэдэг мэргэжлийн бөхчүүд бий. Хэрэв бөхийн барилдааны 4,5 даваанд Дархан аварга зодог тайлах хүсэлт гаргавал алдрыг хүндэтгэн цолыг нь дуудаж, есөн хөхөлт цагаан туг тойрон зодгоо тайлан шавьдаа эсвэл үр хүүхдэдээ өвлөн үлдээх монгол бөхийн зан үйлийг анх удаа орчин цагт хийж МҮБХ-ноос хүндэтгэл үзүүлнэ” гэлээ. Мөн допингтой холбоотой асуудлаар “Засгийн газраас өргөн мэдүүлсэн хуульд допингийн шинжилгээнд үндэслэж буюу шинжилгээнд бүдрээгүй бөхөд цолны батламж олгоно гэж байсан ч хуульд өөрчлөлт орж уламжлалт байдлаараа явахаар болсон. Өөрөөр хэлбэл 12-ны өдөр амжилт үзүүлсэн бүх бөхөд батламж, цолыг олгоно. Мэдээж допингийн шинжилгээг Тагнуул, Цагдаагийн байгууллагын хамтаар авах ба хэрэв допинг хэрэглэсэн нь нотлогдон, шинжилгээндээ бүдэрвэл 14 хоногийн дотор Ерөнхийлөгч зарлигтаа өөрчлөлт оруулж, цол хураах, дараагийн бөхөд нөхөн олгохоор болсон” гэсэн юм.

Б.ЦЭЦЭГ

 

Санал болгох

Үйл ажиллагааг нь зогсоосон сургуулиудын 1567 оюутныг бусад сургуульд хүсэлтийнх нь дагуу шилжүүлэн сургана

Монгол Улсын хэмжээнд 2021-2022 оны хичээлийн жилд 88 их, дээд сургуульд 147 мянган оюутан суралцаж байв

1 өдрийн өмнө
Шүүгчийн 35 сул орон тооны сонгон шалгаруулалтад 156 иргэн нэрээ дэвшүүлж, материал ирүүлсэн байна

Шүүхийн ерөнхий зөвлөлөөс анхан шатны шүүхийн шүүгчийн 24, давж заалдах шатны шүүхийн шүүгчийн 8, хяналтын шатны шүүхийн шүүгчийн 3, нийт 35 шүүгчийн сул орон тоонд сонгон шалгаруулалт зарласан

1 өдрийн өмнө
НМХГ-ын шаардлагыг зөрчсөн барилгын үйл ажиллагааг дахин зогсоожээ

Нийслэлийн мэргэжлийн хяналтын газрын шаардлагыг зөрчиж үйл ажиллагаа явуулсан барилгын үйл ажиллагааг зогсоожээ

2 өдрийн өмнө
Х.Баттулга: Ард түмэн АН-ыг хүсэмжилж байна

Ардчилсан намын ээлжит бус их хурал хуралдаж байна. Хурлыг нээж Ерөнхийлөгч асан Х.Баттулга үг хэлэв.

2 өдрийн өмнө