Барьцаа хөрөнгийн дутагдалтай иргэд их байдаг учраас ипотекийн зээлийн урьдчилгааг 20% болгоно

3
2021 оны 12 сарын 72021-12-07
Барьцаа хөрөнгийн дутагдалтай иргэд их байдаг учраас ипотекийн зээлийн урьдчилгааг 20% болгоно

Ипотекийн зээлийн урьдчилгаа төлбөр 20 хувь болж буурч байгаатай холбогдуулан тал талын байр суурийг хүргэж байна.

hgt.JPG

Барилга хот байгуулалтын сайд Б.Мөнхбаатар: Ипотекийн зээлийн урьдчилгааг 20% болгон бууруулах асуудал яригдаж байна. 2013 оноос ипотекийн зээл олгогдож эхэлснээс хойш, 120 гаруй мянган орон сууц нэмэгдсэн байна. Өнгөрсөн жилээс ипотекийн зээлийн хүүг 8%-аас 6 хувь болгон бууруулсан. Ингэснээр өрхийн орлого нэг сая төгрөгтэй хүн зээлд хамрагдах боломж бүрдсэн. Энэ онд 11600  хүн ипотекийн зээлд шинээр хамрагдаж, 800 гаруй тэрбум төгрөгийн санхүүжилт гарсан байна. Ипотекийн зээл банкнууд дээр 99 хувийн баталгаатай зээлэндээ ордог. Харин ипотекийн зээлийн урьдчилгаа залуу гэр бүлүүдийн хувьд асуудал дагуулдаг. Тиймээс бууруулахаар хуульд тусгаж байна.

өхбайаө.JPG

Зээлийн батлан даалтын сангийн захирал Ш.Алтанчимэг: Манай байгууллага БХБЯ болон Монголын ипотекийн корпорацтай хамтарснаар орон сууцны зээлд хамрагдах хүсэлтэй төлбөрийн чадваргүй иргэдэд батлан даалт гаргах чиглэлд ажиллах гэж байна. 30 хувийн 20 хувийг иргэн өөрөө бэлдэж, үлдсэн 10 хувьд нь зээлийн батлан даалт гаргахаар ажиллаж байна. Ингэснээр банк 80 хувьд зээл гаргаж, иргэн 20 хувийн урьдчилгааг гаргана. Гэхдээ банкны 80 хувиас 10 хувийг манайх батлан дааж байгаа гэсэн үг юм. Энэхүү арга хэмжээг 2022 оны нэгдүгээр сарын нэгэнд хангахаар бэлтгэл ажлыг хангаж байна.

аөхбөаба.JPG

Монголын банкуудын холбооны Гүйцэтгэх захирал Л.Амар: Зээлийн батлан даалтын сангийн үйл ажиллагааг өргөжүүлээд ипотекийн зээлийн урьдчилгаанд батлан даалт гаргахаар ажиллаж байна. Монголд барьцаа хөрөнгийн дутагдалтай хүмүүс олон бий. Тиймээс банк эдгээр иргэдэд зээл олгоход туслахад энэ сан туслах юм. Ингэснээр тогтвортой ажилтай орлоготой иргэд ипотекийн зээлд хамрагдах боломж бүрдэх юм. Ипотекийн зээлийн санхүүжилтийн асуудал банкуудад хүндрэлтэй байдаг. Тухайлбал, өнгөрсөн жилүүдэд өмнөх зээлийн эргэн төлөлтийн хуваариар олгогддог байсан. Тэгэхээр тэр мөнгө нь хязгаарлагдмал байгаад байгаа юм. Үүнийг хурлаар хэлэлцэж цаашдаа шийдвэрлэхэд ажиллана.

 

Санал болгох

Б.Гантулга: Зах зээлийн зарчимд шилжвэл ипотекийн зээлийг төрийн оролцоогүй олгох нөхцөл бүрдэнэ

“Зууны мэдээ” сонин цаг үеийн хамгийн эрэлттэй, сонирхол татсан эрхмүүдийг “Трэнд зочин” буландаа онцолдог билээ. Ээлжит зочноор Монголын Ипотекийн корпорацийн гүйцэтгэх захирал Б.Гантулгыг урьж, ярилцлаа.

20 цагийн өмнө
Ипотекийн хөтөлбөрийн дархлаа ба МИК

Ипотекийн зээл олголтын сүүлийн статистикийг харахад энэ он гарснаас хойш тавдугаар сарын 1-ний өдрийг хүртэлх хугацаанд нийт 2023 зээлдэгчид 172 тэрбум төгрөгийн зээл олгогджээ. Тэгвэл үүний 90.6 тэрбум нь Монголбанкны эх үүсвэрээр, 81.4 тэрбум нь арилжааны банкуудын эх үүсвэрээр олгогдсон байгаа юм. Энэ тоон үзүүлэлт нь, хүн амын амьдрах орчин нөхцөлийг сайжруулахад чиглэсэн ипотекийн хөтөлбөрийг тасалдалгүй үргэлжлүүлэхэд  төр, хувийн хэвшлийн аль аль нь л оролцоогоо хангаж, хувь нэмрээ оруулж буйг илэрхийлж байна.

21 цагийн өмнө
Төр иргэдийн урьдчилгаа төлбөрийг батлан даах уу?

Урьдчилгаа төлбөрөө бүрдүүлэх боломжгүй хүмүүсийн төлбөрийг төрөөс батлан даана

4 өдрийн өмнө
БАЙР СУУРЬ: Орон сууцны үнийг бууруулах боломжгүй

Цар тахал намжиж барилгын салбар хоёр жилийн дараа л “амь орж” байна. Урь орж зуны улиралтай золгохтой зэрэгцэн бүтээн байгуулалтын ажлууд өрнөж эхэлсэн ч энэ салбарт тээвэр логистикийн гацаа тушаа болж буй. Улмаар барилгын материалын хомсдол, үнийн хөөрөгдөл, инфляцийн дарамт иргэдэд хамгийн том дарамт  орон сууц болж байна. Үндэсний статистикийн хорооны гуравдугаар сарын дүн мэдээгээр инфляцад нөлөөлж буй гол хүчин зүйлсийн нэг нь  барилга орон сууцны үнэ байна.

4 өдрийн өмнө