Э.Бат-Үүлийг хорих ялаар шийтгэгдсэнд АН-ын лидерүүдээс хэн юу хэлэв

2
2021 оны 12 сарын 172021-12-17
Э.Бат-Үүлийг хорих ялаар шийтгэгдсэнд АН-ын лидерүүдээс хэн юу хэлэв

Хотын дарга асан Э.Бат-Үүлийг гэм буруутайд тооцож, Чингэлтэй дүүргийн Эрүүгийн хэргийн анхан шатны шүүхээс дөрвөн жилийн хорих ял оноогоод байна. Түүнийг цагдан хорихоор авч явсны дараа хүү Б.Чулуудай нь шүүхийн шийдвэртэй холбоотойгоор өчигдөр үзэл бодлоо илэрхийлсэн бол Ардчилсан намын гишүүд 21 цаг 30 минутад С.Зоригийн хөшөөний урд цуглаж, үзэл бодлоо илэрхийлсэн юм.

Монгол Улсын Их Хурлын гишүүн О.Цогтгэрэл:

Ардчиллыг дэмжигч залуус өнөөдөр энд цуглараад байна. Шүүхийн шийдвэрийг бид бүгдээрээ л цочирдож хүлээн авч байна. Э.Бат-Үүл баатар яллагджээ, тэр тусмаа хорих ялаар шийтгэгджээ гэдэг нь бидэнд асар цочирдом мэдээ боллоо. Учир нь Монголд ардчилсан хувьсгалын суурийг тавьж, ухамсарт амьдралынхаа ихэнх хугацааг Монголын ард түмний үг хэлэх эрх, эрх чөлөөний төлөө тууштай тэмцсэн. Улаанбаатар хотыг хөгжүүлэх, гэр хорооллын дахин төлөвлөлт хийгдэхэд үнэтэй хувь нэмэр оруулсан  Ардчиллын туг болсон лидерүүдийг зохион байгуулалттай, системтэйгээр нийгэмд ялтан болгож байна. Бид хуулийн хүрээнд Э.Бат-Үүл баатрыг гаргаж авахад анхаарч ажиллана.

uuuu.jpg

 

Ардчилсан намын Ерөнхий нарийн бичгийн дарга Ч.Өнөрбаяр: Монголын ардчилал, эрх чөлөөнд ноцтой аюул занал учруулж байна. Яагаад улсад олон тэрбум төгрөгийн хохирол учруулсан МАН-ын Д.Хаянхярваа, Б.Ундармаа  торгуулаад өнгөрч байгаа юм. МАН-ын гишүүдийн хэрэг хөөн хэлэлцэх хугацаагаар хаагдаж байдаг. АН-ын Э.Бат-Үүл баатар яагаад хорих ял авч байгаа юм. Хуулийн алагчилсан шударга ёс гэж энэ. Өөрсдөө хуулийн засаглал тогтооно гэсэн хаана байна вэ. У.Хүрэлсүх ерөнхийлөгч болвол хонгил нураан, шударга ёс тогтооно гэсэн чинь хаана байнаа. Цаашдаа бид намынхаа бүх гишүүдийг өмгөөлж, хамгаална гэдгийг л хариуцлагатай хэлье. Минй судалснаар түүний улсад учруулсан хохирол байхгүй юм байна лээ.

fh.jpg

М.Тулгат: Энэ хүнийг маш олон жил шалгасан. С.Зоригийн хэрэг гэж олон жил шалгасан бол одоо гэр хорооллын дахин төлөвлөлтийн асуудлаар буруутгаж байна. Өнөөдрийн үйл явдлыг улс төрийн хэлмэгдүүлэлтийн цуваа гэж харж байна. Эрх баригчид 60 тэрбум, ЖДҮ, концепцийн асуудлууд, Капитал банкны дампуурлын асуудлууд зэрэг маш том хэргүүд үйлдсэн. Гэвч өөрсдөө торгуулаад өнгөрдөг бол ардчиллын цөөн хэдэн лидерүүдийг барьж, хорьж, үг хэлэх, үзэл бодлоо илэрхийлэх эрхийг зөрчиж байна.

dte.jpg

С.Эрдэнэ: Э.Бат-Үүлтэй намын асуудлаар өдөр болгон уулзаж байсан. Түүнээс 10, 100 дахин илүү гэмт хэрэг хийсэн нөхдүүдийн толгойг илээд байдаг ч түүнийг хорих ялаар шийтгэлээ. Би өнөөдөр гэм буруугийн асуудлыг ярихгүй. Гэхдээ шударга ёс үнэхээр алдагдлаа. Нэг хэсэгт нь ямар ч хэрэг хийж байсан хууль үйлчилдэггүй бол нөгөө хэсэг нь бага зэргийн алдаа гаргангуут шууд дэвсэлж байна.

Untitled.jpg

Санал болгох

УИХ | Онц байдал тогтоох шаардлагагүй гэж үзэв

Үүссэн нөхцөл байдалтай холбоотойгоор Улсын Их Хурлын чуулган цахимаар хуралдаж, холбогдох байгууллагуудын мэдээллийг сонсож, Хууль зүй, дотоод хэргийн сайдын саналыг хэлэлцэв.

7 цагийн өмнө
Хууль зүй, дотоод хэргийн яамнаас УРИАЛГА гаргалаа

Монгол Улсын Ард иргэд, оюутан залуучуудаа Та бүхэнд дараах уриалгыг хүргэж байна.

8 цагийн өмнө
Г.Занданшатар: Ард түмний баялгаас хулгай хийсан хэнбугай ч болов хуулийн хатуу цээрлэл хүлээх ёстой

Улсын Их Хурлын дарга Г.Занданшатар өнөөдөр (2022.12.05) үүсээд буй нөхцөл байдалтай холбогдуулан Улсын Их Хурлын дэд дарга С.Одонтуяа, Улсын Их Хурлын гишүүн, Үйлдвэржилтийн бодлогын байнгын хорооны дарга Т.Энхтүвшин, Улсын Их Хурлын гишүүн, Жижиг, дунд үйлдвэрлэлийн дэд хорооны дарга Ж.Бат-Эрдэнэ, Улсын Их Хурлын гишүүн Б.Бейсен, Т.Доржханд нартай уулзлаа

12 цагийн өмнө
МАН бүлэг Чингис бондын төлбөрийг эргэн төлөх асуудлаар хуралдаж байна

Чингис бондыг Монгол Улсын Засгийн газар 2012 онд олон улсын зах зээлд гаргаж байсан бөгөөд 10 жилийн хугацаатай 1.5 тэрбум долларын өрийн бичиг юм. Анх 41.-5.1 хувийн хүүтэйгээр арилжаалагдаж байсан. Чингис бондоор нийт 1660 гаруй төсөл, хөтөлбөр санхүүжүүлсэн гэдэг. Хуваарь ёсоор Засгийн газар Чингис бондын 137.8 сая ам.долларын үлдэгдлээ өнөөдөр хөрөнгө оруулагчдад төлөх ёстой юм.

17 цагийн өмнө