“Эрдэнэс Транс” ХХК-ийн автобус Цамбагаравын автобусны буудал дээр явж байх үед мотороос нь гал гарчээ. Тус ослын үеэр гэмтсэн хүн байхгүй гэж албаныхан мэдээллээ. Энэ автобус 2012 оны автобус байсан бөгөөд 2021 оны 12-р сарын 23-нд оношилгоонд орж тэнцжээ.
Тодруулбал, Нийслэлийн Баянгол дүүргийн 20 дугаар хороо, Цамбагараваас Саппоро явах замд автобус шатаж байна гэсэн дуудлагыг 17:39 цагт хүлээн авчээ. Дуудлагын дагуу Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 17:40 цагт ангиас гарч 5 км замыг туулан 17:50 цагт очиход “Эрдэнэс Транс” ХХК-ийн “Нарангийн гол-Дүнжингарав” чиглэлийн Хюундэй загварын автобусны доод эд анги шатаж байсныг 10 минут ажиллан унтраасан байна.
