Үйлчилгээний албан хаагчдын харъяалалд өөрчлөлт орж, цалин, урамшуулал хэвээрээ байна

2021 оны 12 сарын 222021-12-22
 Үйлчилгээний албан хаагчдын харъяалалд өөрчлөлт орж, цалин, урамшуулал хэвээрээ байна

Засгийн газрын хуралдаанаас гарсан зарим шийдвэрийн талаар танилцууллаа.

Сангийн сайд Б.Жавхлан: "2022 оны төсвийн гүйцэтгэлийн жил эхэлнэ. Үүнтэй холбоотойгоор зарим авч хэрэгжүүлэх арга хэмжээний талаар тогтоолын төслийг баталлаа. Энэ тогтоолын төсөл нь 2022 оны төсвийн үйл ажиллагааг чанаржуулах зорилготой тогтоол юм. Тогтоол найман хэсгээс бүрдэж байна. Үүнд:

1. Орлогын чиглэлээр уул уурхайн экспортыг нэмэгдүүлэх

2. Төрийн өмчит компаниудын ашигт ажиллахаа, эдийн засгийн үр өгөөжийг нэмэгдүүлэх

3. Гадаад худалдааг хөнгөвчлөх

4. Нийгмийн суурь үйлчилгээний санхүүжилтийн шинэчлэл, төсвийн хэмнэлтийн горим

5. Төсвийн байгууллагын нийтлэг үйлчилгээг гэрээний үндсэн дээр гүйцэтгүүлэх нарийвчилсан чиглэл

6. Төсвийн хөрөнгө оруулалтын үр ашгийг нэмэгдүүлэх

7. Гадаадын зээл, тусламжийн хувьд дамжуулан зээлдүүлэгч нарын санхүүжүүлсэн төслийн өрийг барагдуулах

8. Эдийн засгийн чанарыг сайжруулах чиглэл өгсөн тогтоолууд гаргалаа.

Эдгээр асуудал дотор сүүлийн үед нийгэмд маргаан дагуулаад байгаа төрийн үйлчилгээний ажилтнуудыг цомхотгох, ажлын байрыг нь өөрчлөх, хувийн хэвшлээр гүйцэтгүүлэх гэх мэт маргаан дагуулсан асуудлыг тодруулж өгсөн. Үүнд Монгол Улсын засаг захиргаа нутаг дэвсгэрийн нэгж, түүний удирдлагын тухай хууль буюу 2020 оны 12-р сарын 24-нд батлагдсан хуулийн 20.1.18-д

“Боловсрол, эрүүл мэнд, нийгэм соёлын байгууллагын барилга, байгууламж, хөдлөх хөрөнгийн ашиглалт, засвар үйлчилгээг орон нутгийн чиг үүрэгт шилжүсэн” гэж заасан.

Энэ ажил нь тухайн аймаг, сум, дүүргийн ЗДТГ-ын чиг үүргийн ажил болсон. Өөрөөр хэлбэл алба хаагч нар цалингийн фондтойгоо тийшээ шилжиж очиж байна гэсэн үг.

Үүнийг төсвийн хуулиар бус Орон нутгийн нэгжийн хуулиар жилийн өмнө зохицуулсан асуудал юм. Үүнтэй уялдуулж 2022 оны төсөв дээр тодорхой зүйлүүд тусгасан учраас  энэ хууль 1-р сарын 1-нээс хэрэгжинэ. Ингэхдээ цалин урамшуулал, 36 сарын тэтгэмж гээд бүх зардал жил бүр тусгадаг шигээ сум, дүүргийн ЗДТГ руу шилжиж очсон. Төсвийг нь багасгаад хувийн байгууллага руу шилжүүлж байгаа гэсэн зүйл огт байхгүй учраас цалин төсөвтэй холбоотой зүйлд санаа зовох зүйл байхгүй. Орон тоо ч багасахгүй.

Төсвийн шинэчлэлийн хүрээнд эрүүл мэндийн салбарт гүйцэтгэлд суурилсан санхүүжилт хийсэн бол ирэх жил боловсролын байгууллагын санхүүжилт гүйцэтгэлд суурилна.

Өнөөдрийн хуралдааны дараа төсвийн ерөнхийлөн захирагч нарт буюу аймаг, дүүрэг, сумдад чиглэл очно. Тухайн төсвийн байгууллагуудын нийтлэг үйлчилгээний ажилтнуудын санал санаачилгыг аймаг, орон нутаг нарт гаргаж, бэлтгэл хангасан гэж үзвэл гэж үзвэл Сангийн яаманд ирүүлнэ. Сангийн яам судалж үзээд шийдвэр гаргана.

Санал болгох

ОНЦ БАЙДАЛ зарлавал ямар арга хэмжээ авах вэ?

Үүссэн нөхцөл байдалтай холбоотойгоор Улсын Их Хурлын чуулган цахимаар хуралдаж, холбогдох байгууллагуудын мэдээллийг сонсож, Хууль зүй, дотоод хэргийн сайдын саналыг хэлэлцэв. Хуралдаанаас одоогоор Онц байдал тогтоох шаардлагагүй гэж үзлээ. Харин цаашид нөхцөл байдал даамжирвал Үндэсний аюулгүй байдлын зөвлөмжөөр холбогдох арга хэмжээ авч хэрэгжүүлэхийг Улсын Их Хурал дэмжив.

8 цагийн өмнө
"Цахиур Төмөр" ХХК, "Агула даатгал" компаниуд хамтран дархлаа дэмжих бүтээгдэхүүнийг 1000 гаруй хүүхэд, ахмадуудад бэлэглэлээ

"Цахиур Төмөр" ХХК, "Агула Даатал" компани нар хамтран  ханиад томууны дэгдэлтэй холбоотойгоор ахмад настан , хүүхдийн эрүүл мэндийг дэмжих зорилготойгоор  ид шидийн орон , нархан хүүхэд, өнөр бүл , гэрэл хүүхэд , бадамлянхуа , манай гэр хүүхэд , манаа төв, верист хүүхэд зэрэг хүүхдийн 8 асрамжийн газар  болон батсүмбэр ахмадын асрамжийн  газрыг тус тус хамруулан,  нийт 1000 гаруй хүүхэд, ахмад настандаа  гималай брендийн ханиадын сахаргүй диакоф, дархлаа дэмжих септилин , хүүхдийн массажны тосыг хандивлалаа. 

14 цагийн өмнө
Утаажилтын бүсээс 46 иргэнийг гаргаж, 13,8 тэрбум төгрөгийн өмч хөрөнгийг авран хамгаалав

Нийслэлийн хэмжээнд өнгөрсөн долоо хоногт гал түймрийн 57, аврах ажиллагааны 16 нийт 73 удаагийн дуудлага мэдээлэл бүртгэгдсэн.

19 цагийн өмнө
Талбайн жагсаалд 7 сургуулийн оюутан, залуус оролцохоо  илэрхийлэв

Сүхбаатарын талбайд өчигдөр өрнөсөн жагсаал өнөөдөр /2022.12.05/ үргэлжилнэ. Залуус өчигдөр жагсаалын үеэр "Нүүрсний хулгайчдаа ил болго", "Бид 76 гишүүнийг тансаглуулах гэж татвар төлдөггүй", "Би өөрийнхөө төлөө биш ирээдүй хойч үеийнхээ төлөө", "Ард иргэдээ татвараар боомилж байна", "Татварын мөнгөөр юу хийв", "Эх орноо хайрлахгүй юм бол иргэн нь байгаад яах билээ" гэж бичсэн лоозон барьцгаасан байдаг. 

20 цагийн өмнө