Өнөөдөр Монголчууд үндэсний тусгаар тогнолоо сэргээн тунхаглаж, Манжийн дарлалаас чөлөөлсөн өдрөө тэмдэглэж байна. Гэвч бид түүх, соёлгүй болчихвол тусгаар тогтнол дархлаагүй болно.
Тиймээс Нийслэлийн засаг дарга бөгөөд Улаанбаатар хотын захирагчийн шийдвэрээр Монгол Улсын анхны Ерөнхий сайд Т.Намнансүрэн амьдарч байсан, Улаанбаатар хотын анхны Европ хийцийн барилгуудын нэг түүх, дурсгалын үнэт өв болсон "Гоожингийн өндөр"-ийг хамгаалалтад авч, газрын зөвшөөрлийг цуцалж, сэргээн засварлахаар боллоо.
Ирэх оны 4-р улиралд багтаан сэргээн засварлах, орчныг нь тохижуулж, музейн зориулалтаар ашиглахыг хариуцсан хүмүүст үүрэг болголоо.
Харин газар эзэмшилтэй холбоотой маргаан үүссэн. Үүнд:
-Гоожингийн өндөрийн газар ямар замаар хувьд шилжсэн болохыг хуулийн байгууллагаар шалгуулна.
-Одоо газар эзэмшиж байгаа иргэнд яг бодитоор хэдэн төгрөгийн хохирол учирсан гэдгийг шүүхээр тогтоолгоно.
Төсвийн мөнгийг тооцоо судалгаа, баталгаагүй зүйлд зарцуулж болохгүй гэсэн шийдвэр гаргалаа.
Шинэчлэх ажил, хуулийн маргаанаас гадна "Гоожингийн өндөр"-ийг яаралтай хамгаалалтад авах шаардлага үүсч байгаа. Үгүй бол санаатай санаандгүй байдлаар түүх, соёлын өвөө алдах эрсдэл өндөр.
Нийслэлийн удирдлагын баг цаашид түүх, соёлын өвөө хамгаалж үлдэх, сэргээн засварлахад онцгой анхаарч ажиллах юм байна.
