Өчигдөр 17:40 минутын орчимд хаалга нь эвдэрсэн лифт тулж зогссон гурван настай хүү долоон давхраас унаж эндсэн харамсалтай хэрэг гарсан. Тухайн хэрэг БГД-ийн 18-р хороо 86-р байранд гарсан байна.
Эх сурвалжийн мэдээллээр тухайн байр нь "Эко констракшн"-ы барьсан байр байжээ. Иргэдээс СӨХ төлбөр авдаг ч, лифтээ сүүлийн хоёр жил засварлаагүй байсан байна.
Улсын болон орон нутгийн хөрөнгөөр баригдаж байгаа барилгын лифтэнд "Улаанбаатар лифт" ОНӨТҮГ хяналт тавьдаг. Харин бусад хувийн хөрөнгөөр барьсан барилгын лифтэнд БХБЯ зөвшөөрөл өгч, НМХГ хяналт тавьдаг. Хэрэв "Улаанбаатар лифт" ОНӨТҮГ-тай СӨХ нь гэрээ байгуулвал лифтний ашиглалтыг хариуцах боломжтой байдаг юм. Гэтэл дээрх СӨХ гэрээ байгуулаагүй байжээ. Тиймээс уг байрны лифтэнд НМХГ болон тухайн барилгыг барьсан Эко констракшн, түүний СӨХ хяналт тавих ёстой юм.
Дашрамд дуулгахад Улаанбаатар лифт ОНӨТҮГ-тай одоогоор 60 ААН-ийн 170 орчим лифт гэрээ байгуулжээ. Улаанбаатарт 7000 орчим лифт байдаг байна.
