Сар шинээс өмнө тэтгэвэр 35000-42000 төгрөгөөр нэмэгдэнэ

2022 оны 1 сарын 272022-01-27
Сар шинээс өмнө тэтгэвэр 35000-42000 төгрөгөөр нэмэгдэнэ

Сар шинийн өмнө ээлжит бус чуулган зарлаж тэтгэвэр тэтгэмжийг нэмэхээр болжээ. Ингэхдээ тэтгэврийг инфляцтай уялдуулж нэмэгдүүлэх аж. Тухайлбал, одоогийн инфляц 13-15% байгаа. Харин хамгийн доод тэтгэвэр 350 мянган төгрөг байгаа билээ. Ингэхээр ойролцоогоор иргэдийн тэтгэвэр 35-42 мянган төгрөг нэмэгдэх нь ээ. 

Монгол Улсын Ерөнхийлөгч У.Хүрэлсүх иргэдийн тэтгэвэр, тэтгэмжийг нэмэгдүүлэхэд чиглэсэн тодорхой шийдлийг яаралтай боловсруулж, хэрэгжүүлэн ажиллахыг Монгол Улсын Засгийн газарт чиглэл болгосон.

Энэ дагуу өчигдрөөс Засгийн газар тодорхой шийдлийг яаралтай боловсруулж, хэрэгжүүлэн ажиллаж эхэлсэн бол өнөөдөр УИХ-ын дарга Г.Занданшатар захирамж гаргаж сар шинийн өмнө тэтгэвэр тэтгэмж нэмэх асуудлаар ээлжит бус чуулган хуралдуулах талаар мэдээллээ. 

Тодруулбал, Монгол Улсын Их Хурлын ээлжит бус чуулганыг 2022 оны нэгдүгээр сарын 28-ны өдрөөс хоёрдугаар сарын 1-ний өдрүүдэд хуралдуулах Улсын Их Хурлын дарга Г.Занданшатарын захирамж гарлаа.

Ээлжит бус чуулганаар:

-Монгол Улсын 2022 оны төсвийн тухай хуульд нэмэлт, өөрчлөлт оруулах тухай, Нийгмийн даатгалын сангийн 2022 оны төсвийн тухай хуульд нэмэлт, өөрчлөлт оруулах тухай, Эрүүл мэндийн даатгалын сангийн 2022 оны төсвийн тухай хуульд нэмэлт, өөрчлөлт оруулах тухай, Ирээдүйн өв сангийн 2022 оны төсвийн тухай хуульд нэмэлт, өөрчлөлт оруулах тухай хуулийн төслүүдийг хэлэлцэнэ.

Чуулган маргааш буюу баасан гарагийн 14.00 цагаас эхлэх юм.

No photo description available.

Санал болгох

Танкны үлгэр төгсөж, Тавантолгойн экспорт сэргэх нь

Хятадын Гадаад хэргийн сайд Ван И Монголд айлчлахдаа Гашуунсухайт-Ганцмод боомтыг төмөр замаар холбох асуудлыг манай талтай эцэслэн тохиролцож, нүүрсний экспортоо тогтвортой үргэлжлүүлэх гэрээ байгуулахаар болов. Эдийн засаг хямарсан энэ үед дэлхийд нүүрсний хэрэглээгээрээ тэргүүлж буй хөрш БНХАУ-д нүүрсээ төмөр зам, авто замаар тогтмол нийлүүлнэ гэдэг бол Монголын эдийн засагт эерэг өөрчлөлт авчирна.

3 өдрийн өмнө
Дорнын эдийн засгийн чуулган ирэх сарын 5-8-нд болно

ОХУ-ын Ерөнхийлөгч Владимир Путин БНХАУ-д болсон БРИКС-ийн орнуудын бизнес форумын үеэр Дорнын эдийн засгийн форумд БРИКС-ийн орнуудын бизнесмэнүүдийг урьж байгаагаа зарласан.

9 өдрийн өмнө
Ц.ДАВААДОРЖ: Улсын төсвийг сонгууль угтаж тодотгодог болох нь

Ирэх намраас эдийн засаг хүндэрнэ гэдгийг эдийн засагчид сануулах болов. Иймд 2022 оны улсын төсөвт дахин тодотгол хийх тухай ч яригдах боллоо.

9 өдрийн өмнө