ТАНИЛЦ: 2022 оны ТЭВЧИЖ болох зардлууд

2022 оны 1 сарын 282022-01-28
ТАНИЛЦ: 2022 оны ТЭВЧИЖ болох зардлууд

Ерөнхийлөгч У.Хүрэлсүх энэ сарын 26-ны өдөр Ерөнхий сайд Л.Оюун-Эрдэнэ, Ерөнхийлөгчийн Тамгын газрын дарга Я.Содбаатар, Сангийн сайд Б.Жавхлан, Хөдөлмөр, нийгмийн хамгааллын сайд А.Ариунзаяа нарыг хүлээн авч уулзан ахмад настан, хөгжлийн бэрхшээлтэй иргэд, өрх толгойлсон эцэг, эхчүүд болон бусад халамж нэн шаардлагатай иргэний тэтгэвэр, тэтгэмжийг нэмэгдүүлэхэд чиглэсэн тодорхой шийдлүүдийг яаралтай боловсруулж, хэрэгжүүлэн ажиллахыг Засгийн газарт чиглэл болгосон.

Үүний хүрээнд Засгийн газар өнөөдөр ээлжит бусаар хуралдаж байна. Мөн УИХ-ын дарга Г.Занданшатар захирамж гаргаж сар шинийн өмнө тэтгэвэр тэтгэмжийг нэмэх асуудлаар УИХ-ын чуулганыг ээлжит бусаар хуралдуулж, 2022 оны төсөвт тодотгол хийхээр болсон.

Ээлжит бус чуулган өнөөдөр 14 цагаас хуралдана. Төсвийн орлогыг нэмэх боломжгүй учраас бид энэ нийтлэлээрээ 2022 оны төсвөөс танах боломжтой байсан төслүүдийг хүргэж байна. Тухайлбал, БогдЗонхова тэргүүтэй хөшөө дурсгал буй юм.

  • Богд Зонхова- 32 тэрбум

Нийт 32 тэрбум төгрөгийн өртөг бүхий бурхны хөшөөг 2022 оны төсөвт суулгаж өгсөнд иргэд бухимдалтай байгаа. Тодруулбал, Чингэлтэй дүүргийн тавдугаар хороо Тасганы овоонд Шашин соёлыг дэлгэрүүлэх “Богд Зонхова” бурхны хөшөө бүхий төв барихаар 32 тэрбум 490 сая 800 мянган төгрөг төсөвлөснийг олон нийт эсэргүүцэж буй билээ. Тиймээс ноймор нэгт энэхүү төслийг царцаах шаардлагатай байна.

  • Айрагны өргөө- 3.8 тэрбум

Булган аймгийн Хутаг-Өндөр суманд “Айрагны өргөө” барихаар энэ оны төсвөөс 3.8 тэрбум төгрөг төсөвлөсөн. Энэ өргөө баригдсанаар Булган аймгийн эдийн засаг сэргэх үү, гэвэл үгүй. Тиймээс дараагийн дугаарт уг төслийг царцаах хэрэгтэй.

2022-124507-2075488592.jpeg
  • Усан бассейн-3.5 тэрбум

Сэлэнгэ аймгийн Сүхбаатар суманд 3.5 тэрбум төгрөгөөр усан бассейн барихаар төсөвлөсөн. Сүхбаатар сум бассейнтай, тиймээс дахин нэгийг барих шаардлага бий юу. Тэгэхээр хэрэггүй зүйлд энэ мэтээр мөнгө зарцуулах нь гал алдаж байгаа энэ үед тун зохимжгүй юм.

  • Хүүхдийн зуслан-38 тэрбум

2022 оны төсөвт хүүхдийн зуслан шинээр барих ажил тусгагдсан. Тухайлбал, Найрамдал-2 зусланг Хөвсгөл аймгийн Хатгал суманд барихаар 30 тэрбум төгрөг төсөвлөсөн байна. Мөн Хүүхдийн найрамдал зуслангийн их засвар, шинэчлэлд 8.3 тэрбум төгрөг тусгажээ.

  • Соёлын төв- 31.6 тэрбум

Гишүүдийг тойрогтоо юм хийсэн харагдахын тулд 30 хүн цугладаг сумын төвд 300 хүний суудалтай соёлын төв барьдаг гэх шүүмжлэлийг иргэд хэлдэг. Тэгвэл 2022 оны төсөвт мөн адил үргүй зардал гэж хэлж болохоор соёлын төвийн бүтээн байгуулалтууд тусгагдсан байна. Тухайлбал Дорноговь аймгийн Замын-Үүд суманд 500 хүний суудалтай Соёл, урлагийн ордонд 7.2 тэрбум төгрөг төсөвлөжээ. Мөн Дорноговь аймгийн Сайншанд суманд 700 хүний суудалтай Саран хөхөө театрын барилга барихад 16.8 тэрбум төгрөг, Говьсүмбэр аймагт “Боржигин” дуу бүжгийн чуулган барихаар 7.6 тэрбум төгрөгийг тус тус тусгажээ.

  • Хэнтий дэх нисэх онгоцны буудал-8.4 тэрбум

Хэнтий аймгийн Дадал суманд Дэлүүн болдог нисэх буудал барихаар улсын төсвөөс 8.4 тэрбум төгрөг төсөвлөжээ.

Энэ мэт тэвчиж болох зардал бидэнд байсан байна. Тиймээс өнөөдөр хэлэлцэх төсвийн тодотголдоо дээрх төслүүдийг царцаах шаардлага байна.

 

Санал болгох

"Актлах" автобусанд амьд явах баталгаа алга

Хамгийн аюултай нь, сүүлийн жилүүдэд үйлчилгээнд явж байсан автобус шатах болсон нь иргэд нийтийн тээврээр аюулгүй үйлчлүүлэх баталгаа байна уу гэдэг асуудлыг хөндөхөд хүргэж буй

23 өдрийн өмнө
Авлигачдыг алагчилъя

Авлигачдыг, хар тамхины наймаачдыг, хүчингийн хэрэгтнүүдийг, гадаадын тагнуулыг, террористыг өршөөлд хамруулдаггүй. Энэ бол гэмт хэрэгтэй тэмцэх төрийн бодлого. Гэмт хэрэгтэй тэмцэх чиг үүрэгтэй Засгийн газар ийм бодлого барьж төслөө боловсруулаад, хууль тогтоох дээд байгууллага УИХ нь баталж байна. Нэгэнт улс нийтээрээ авлигатай тэмцэе гэж байгаа бол зөвхөн зардал, цаг хугацаа хэмнэх зорилгоор авлигачдын толгойг илж тэдэнд хялбаршуулсан журмаар хэргээ шийдүүлэх боломж олгодог байдлыг халах шаардлагатай. Улсын хэмжээнд шүүхээр шийдвэрлэгддэг нийт хэргийн 0.5 хувь нь авлигынх.

1 сарын өмнө
Хуульчдын форум: Цэц ичих хэрэгтэй

Монголын Хуульчдын холбоо их хурлаа 12 сарын 10-нд товложээ. Үүнээс наана өнөөдөр “Хуульчдын форум”-аа Улаанбаатар зочид буудалд зохион байгууллаа. Зохион байгуулагчийн тоолсноор 130 мянган төгрөгөө төлсөн 290, зохион байгуулагчтайгаа нийлээд 320 хуульч оролцсон юм байна. Сурвалжлагчийн хувиар форумд оролцож, тайзан дээр уригдсан, зааланд суусан шүүгч, прокурор, өмгөөлөгч, судлаачидтай ярилцаж үзэв. Хуульч биш, хөндлөнгийн хүн учраас ерөнхий уур амьсгал, давтамжтай өгч байсан мессеж, илтгэлээс базсан ажиглалтаа хуваалцах нь зөв биз ээ. Энэ форум хуульчдынх, тэрийг дагаад зүйл, заалт уйтгартайн дээр, дараа нь “хүний хэлээр” зажилж бичиж болох тул энэ удаад үлдээе гэж бодлоо.

1 сарын өмнө
Хоцрогдсон стандартаар хоцрогдсон байдлыг хамгаалж байна

Шадар сайд С.Амарсайханы танилцуулснаар Монгол Улсад 6525 стандарт байна. Гэтэл аль салбарт, төрийн болон бизнесийн үйлчилгээ, бараа бүтээгдэхүүнд ямар стандарт мөрдөгддөг болохыг Стандарт, хэмжил зүйн бие даасан агентлаг иргэдэд сурталчилж, ойлгуулаагүй явж ирсэн. Иргэд тэрхүү “стандарт” гэгчийг мэдэхгүй учраас бид өнөөдөр идэх хүнс, хэрэглэх бараа, авах үйлчилгээ, эдлэх хөрөнгө, байх орчин, явах зам чанарын наад захын ямар шаардлага хангасан байх ёстойг төдийлөн мэдэхгүй. Мэдэхгүй учраас хэнээс юу шаардахаа мэддэггүй, ердөө л “сэтгэл гаргасан, гаргаагүй” гэх тодорхойгүй хэмжүүрээр тэдгээрийг үнэлж иржээ.

1 сарын өмнө