Монгол Улсын Засгийн газар хуралдаж Ерөнхийлөгчийн санаачилсан тэтгэвэр, тэтгэмжийг нэмэх асуудлыг дэмжсэн. Улмаар өнөөдрөөс эхлэн тэтгэврийн доод хэмжээг 500 мянган төгрөг болгож иргэдийн дансанд шилжүүлэхээр болсон юм. Гэхдээ тэтгэвэр нэмэх процесс явагдаж байгаа учраас өглөө эртлэн банкинд очихгүй байхыг ахмадуудад анхаарууллаа. Хөдөлмөр нийгэм хамгааллын сайд А.Ариунзаяа өөрийн фэйсбүүк хуудсандаа “Яг шууд маргааш өглөө дансанд байршихгүй ч өдөртөө багтаахыг бид хичээнэ ээ. Ахмад, буурлууд маань эрт банк руу явахвий. Үр хүүхдүүд нь дансыг нь эхлээд шалгаж өгөөрэй” хэмээн бичжээ.
