Бодлогын хүүг 6.5 ХУВЬ болгон өсгөлөө

2022 оны 1 сарын 282022-01-28
Бодлогын хүүг 6.5 ХУВЬ болгон өсгөлөө

Монголбанкны Мөнгөний бодлогын хороо өнөөдөр ээлжит бусаар хуралдав. Хурлаар бодлогын хүүг 0.5 нэгжээр өсгөн, 6.5 ХУВЬ БОЛГОЖЭЭ.  

Ингэснээр Төв банк мөнгөний бодлогын төлөвөө чангалах төлөвт шилжив.   

Монголбанкны Ерөнхийлөгч Б.Лхагвасүрэн, Тэргүүн дэд Ерөнхийлөгч Г.Дөлгөөн, Дэд ерөнхийлөгч Г.Энхтайван нар хорооны ээлжит гишүүнээр ажилладаг. УИХ-ын даргын Эдийн засгийн зөвлөх Ц.Мөнхбаяр, СЭЗИС-ийн Экономиксийн тэнхимийн профессор Ц.Батсүх, МУИС-ийн Эдийн засгийн тэнхимийн профессор Ч.Хашчулуун нар орон тооны бус зөвлөхөөр ажилладаг юм.

Монголбанкны Ерөнхийлөгч Б.Лхагвасүрэн дараах мэдээллийг өглөө:
-АНУ-ын Төв банкны бодлогын хүүтэй холбоотой гаргасан шийдвэр Монгол шиг хөгжиж буй орнуудад сөргөөр нөлөөлнө. Гэхдээ сайн цаг ирж байгааг илтгэх шинж тэмдгүүд бас байна.    

Энэ оны сүүлээр инфляц бидний тооцоолсон хэмжээнд хүрч, 6+-хувь руу буурна. Уг нь жил бүрийн намар, хичээл эхлэхээс өмнө махны нийлүүлэлт өсөж, үнэ нь буурдаг. Харин энэ онд энэ жишгийг давтсангүй. Учир нь 2021 онд ноолуурын үнэ өндөр байсан, хүүхдийн мөнгө гэх мэт халамж тараас, хөл хорио тогтоосон зэрэг нь махны нийлүүлэлтэд нөлөөлөв. Махны үнийн өсөлт саарч байгаа тул удахгүй саарна. Ирэх сард инфляц хамгийн өндөр түвшинд хүрээд, буурснаар энэ сүүлээр бидний төлөвлөсөн хэмжээ рүү  буурах хүлээлт байна. 

Монголбанк арилжааны банкуудаар дамжуулан шатахуун нийлүүлэгчдэд нийт 300 тэрбум төгрөгийн зээлийг бага хүүтэй олгосон. Зээлийн жилийн хүү 9 хувь. Энэ зээлийг шатахууны нийлүүлэлтийг тогтворжуулах зорилгоор олгосон юм.  

Засгийн газраас тэтгэвэр тэтгэмжийг нэмэх шийдвэр гаргасныг бид зөв гэж үзэж байна.            

Сүүлийн 14 сарын турш бодлогын хүү түүхэн доод түвшин болох 6 хувь байв.  

Санал болгох

Экспортын шинэ гарц Зүүнбаян-Ханги чиглэлийн төмөр замыг нээж, анхны тээврийг эхлүүллээ

Хангийн төмөр зам нь 226.9 км. Энэ төмөр замаар жилд 20 сая тонн ачаа экспортлох боломжтой. Экспортын 2 дахь гарч болгож монголчууд 8 сарын хугацаанд барьж дуусгасан болохыг тэрээр онцолсон. Эл бүтээн байгуулалтад нийтдээ 3500 гаруй хүн оролцжээ.

1 өдрийн өмнө
Экспортын шинэ гарц Зүүнбаян-Ханги чиглэлийн төмөр замаар тээвэр хийхэд бэлэн болжээ

Монгол Улсын хувьд урд хөрш БНХАУ-тай ганцхан сувгаар буюу төмөр замаар холбогдсон байдаг бол нэмээд дөрөв, нийт таван чиглэлд холбогдохоор Засаг хөдөлж эхлээд буй. Үүний нэг нь Зүүнбаян-Ханги чиглэлийн 226.9 километр төмөр зам.

10 өдрийн өмнө
Б.Жавхлан: Засгийн газар ипотекийн зээлийг төлбөрийг хойшлуулахгүй гэдэг тодорхой байр суурьтай байгаа

Ипотекийн зээлийн төлбөрийг 2023 оны 7 сарын 1 хүртэл хойшлуулах эсэх асуудлыг судалж байгаа талаар даваа гарагт УИХ дахь МАН-ын бүлгийн дарга Д.Тогтохсүрэн мэдэгдсэн. УИХ-ын чуулганы өнөөдрийн хуралдаанаар Монгол Улсын 2023 оны Төсвийн тухай хуулийг баталсны дараа Сангийн сайд Б.Жавхлан мэдээлэл хийхдээ энэ асуудлыг ч хөндлөө.

15 өдрийн өмнө