Олимпын наадмын түүхэнд анх удаа дөрвөлсөн эргэлт хийсэн эмэгтэй болсон ОХУ-ын 15 настай тамирчин Камила Валиевагаас сэргээшийн төрлийн бодис илэрсэн тухай хэвлэлүүд бичиж эхэллээ. Камила Валиева уран гулгалтын төрөлд гайхалтай үзүүлбэрийг үзүүлж багийн төрөлд ОХУ-ын баг алтан медаль хүртээд байсан юм. Гэхдээ түүний сэргээшийн асуудалтай холбоотойгоор медаль гардуулах ёслолыг түр хугацаагаар хойшлуулжээ. Түүний цуснаас триметазидин гэх бодис илэрсэн байна. Энэ бодис нь тамирчдын эмчилгээнд ашигладаг хориглогдсон бодис юм. Одоогоор ОХУ-ын шигшээ багийн зүгээс ямар нэгэн тайлбар өгөөгүй. Албан ёсны хариу гарсны дараа тайлбар өгнө хэмээн мэдэгдээд байна.
