Хөгжлийн банкны чанаргүй зээлийн талаарх "Өөрөөр нь төлүүлье" хэлэлцүүлэг болж байна.
Монгол банкны тэргүүн дэд ерөнхийлөгч Г.Дөлгөөн "Банкны тухай хуулийн 7.2-р заалт байдаг. Үүнд төв банк арилжааны банк болон хөгжлийн банкны үйл ажиллагаануудыг тогтмол хянаж явахыг тусгасан байдаг. Энэ хүрээнд байгууллагын дотоод санхүүгийн нууц, ААН харилцагчийн нууцыг нууцлах зарчимтай ажилладаг. Гэхдээ ямар нэгэн зөрчил үүссэн тохиолдолд шүүх, хууль сахиулах байгууллагын хяналтын дор энэ мэдээллийг гаргадаг.
Ингээд 2021 оны арваннэгдүгээр сард ээлжит шалгалтаа хийсэн. Тэрний өмнө 2018 онд иж бүрэн шалгалт орсон. Ханшийн тэгшитгэлийн асуудал доголдсон. Нөгөө талдаа зээлдэгчид эргэн төлөлтөө хийж чадахгүй нөхцөл байдал үүссэн байж болзошгүй зүйл тогтоогдсон. 2021 оны арванхоёрдугаар сарын 31-ны өдрийн байдлаар энэ банкны нийт актив нь 4 их наяд байсан.
Нийтдээ 995 тэрбум төгрөгийн өр хөрөнгийн үлдэгдэлтэй. Энэ бол банкны нэг чухал амин үзүүлэлт юм.
-240 тэрбум төгрөгийн алдагдалтай банк болсон. Тиймээс бид бол 52 зээлдэгчийн материалд шалгалт хийсэн. Ингээд Хөгжлийн банканд 755 тэрбум төгрөгийн эрсдлийн сан байгуулах үүрэг өгсөн" гэв.
