Б. Энхтулга
Сэтгүүлч

Б.Ачбадрах 65-р байранд орж хувийн амжилтаа ахиуллаа

2022 оны 2 сарын 112022-02-11
Б.Ачбадрах 65-р байранд орж хувийн амжилтаа ахиуллаа

Эх орноо төлөөлөн олимпын наадамд оролцож буй ОУХМ Батмөнхийн Ачбадрах уралдаанаа дөнгөж сая дуусгалаа. Тэрбээр эрэгтэйчүүдийн 15 км зайг 43:29.9 минутад туулж, 100 тамирчнаас 35-ыг нь ардаа орхин 65-р байр эзэллээ. Харьцангуй их тамир шаарддаг сонгодог техникээр уралдсан гэхэд 43:29 минутын амжилт үзүүлсэн нь тун сайн амжилт байв. Мөн 35 тамирчныг ардаа орхисон нь Пёнчаны олимпын амжилтаа ахиулсан хэрэг байлаа. Түүний ард АНУ, Япон, Беларусь, Словен, Эстони, Латви, Украин, БНСУ зэрэг цанын спорт өндөр хөгжсөн орны тамирчид бичигджээ.

Энэ төрөлд Финландын Иво Нисканен 37:57.8 минутын амжилтаар түрүүлж, Оросын Александр Большунов 38:18.0, Норвегийн Йоханнес Хёсфлот Клебо 38:32.3 амжилтаар мөнгө, хүрэл медалийн эзэн болов. Ийнхүү Б.Ачбадрахын уралдаанаар Монголын тамирчдын өвлийн олимп өндөрлөж байна.

Санал болгох

Үндэсний баяр наадмыг өнөөдөр баталсан шинэ хуулиар зохион байгуулна

Харин Үндэсний их баяр наадмын тухай хуулийг дагаж мөрдөх журмын тухай хуулийг гишүүд дэмжсэнгүй. Тодруулбал, хуралдаанд оролцсон 50 гишүүний 30 нь дэмжээгүй. Ингэснээр хуулийн төслийг УИХ-ын Төрийн байгуулалтын байнгын хороонд дахин хэлэлцүүлэхээр буцаалаа.

20 цагийн өмнө
Наадмын сорилго бөхийн барилдаанд харцага Б.Бат-Өлзий түрүүллээ

Их шөвөгт Дорнод аймгийн Дашбалбар сумын харьяат, Аврагч СХ, "Степ Гоулд" ХХК, Бүрэн Дуулга ХХК, Дорнын Хүчтэн" дэвжээний бөх, улсын заан Д.Анар, Архангай аймгийн Хайрхан сумын харьяат, Алдар СХ, "Молор трейд" ХХК, "Вайт лэйк" ХХК, “Бөхбилэгт” дэвжээний бөх, улсын начин О.Мөнх-Эрдэнэ нар шалгарлаа.

2 өдрийн өмнө
Үндэсний их баяр наадамд 1024 бөх зодоглоно бөхийн бүртгэл НЯМ ГАРАГТ дуусна

Ардын хувьсгалын түүхт ой, Үндэсний их баяр наадамд 1024 бөх зодоглох бөгөөд улсын баяр наадамд зодоглох бөхчүүдийн урьдчилсан тоог бөхийн гал, дэвжээдийн удирдлага, дасгалжуулагч нар зургаадугаар сарын 26-ны дотор бичгээр болон МҮБХ-ны албан ёсны хаягаар ирүүлнэ үү.

5 өдрийн өмнө
А.ЛИГДЭН: Монголд америк хөл бөмбөг дөнгөж дэлгэрч байна

Түүний хувьд 2019 оноос энэ төрлийн спортоор хичээллэж эхэлжээ.  Эх орондоо байх хугацаандаа олон тэмцээнд оролцож байсан юм.

6 өдрийн өмнө