Б.Амгалан: Өнөөдрийн байдлаар 29 зээлдэгчийг шүүхэд өгсөн

2022 оны 2 сарын 112022-02-11
Б.Амгалан: Өнөөдрийн байдлаар 29 зээлдэгчийг шүүхэд өгсөн

"Өөрөөр нь төлүүлье" хэлэлцүүлэг болж байна. 

Хөгжлийн банкны Экспорт, импорт, худалдааны санхүүжилтийн газрын захирал Б.Амгалан "Хөгжлийн банк 2011 онд байгуулагдсан байдаг. 2011-2016 он хүртэл нийтдээ 5,2 их наядын санхүүжилтийг олгосон байдаг. 2016-2017 онд томоохон хууль эрх зүйн шинэчлэл хийсэн байдаг. Тухайлбал, Хөгжлийн банк Монгол банкны шалгалтад орж эхэлсэн. Мөн Хөгжлийн банкнаас санхүүжсэн төсөл хөтөлбөрүүдийн 60 хувь нь экспорт руу чиглэсэн байх ёстой гэсэн хуулийн зохицуулалтыг 2011 онд хуульчилж өгсөн. 2017-2021 он хүртэлх хугацаанд нийтдээ 2.4 их наядын эх үүсвэр олгосон байдаг. 

2017 онд Хөгжлийн банкыг экспорт импортыг дэмждэг банк болгоё гээд дүрэмд өөрчлөлт оруулсан байдаг.  Тэгээд 2021 оны арваннэгдүгээр сараас Монгол банкны ээлжит шалгалт орж ирсэн. Ингэхэд нийт багцын 3.2 их наядын 55 хувь нь эрсэдсэн. Цаашид эргэн төлөгдөхөд эрсдэлтэй болсон байна гэсэн дүгнэлт гарсан. Мөн 2011 оноос хойш нийтдээ 6.2 их наядыг татан төвлөрүүлсэн байдаг. Ингэхдээ Засгийн газрын баталгаатай төвлөрүүлсэн байдаг. Нийт эх үүсвэрийн 31 хувь нь Засгийн газрын баталгаатай байгаа. Энэ эх үүсвэрүүд дараа жил төлөгдөж эхэлнэ. 2023 оны 10-р сар болон 12-р сард зээлээ төлөх ёстой. Аравдугаар сард 1.7 их наядын эргэн төлөлт хийгдэнэ. Энэ бол Засгийн газрын баталгаагүй эх үүсвэр байгаа. Харин 12-р сард Засгийн газрын баталгаатай Самура бондын эх үүсвэрийн 280 сая ам.долларын төлөлт хийгдэнэ. Нийтдээ 800 орчим сая ам долларын эргэн төлөлт олон улсад төлөх ёстой.  

Хугацаа хэтрэлттэй зээлийн хувьд 1.8 жилээс дээш байна. Ихэнх зээл үндэсний вальютаар олгогдсон. Зарим нь доллар, евро болон бусад вальютаар Хөгжлийн банк санхүүжилт олгож ирсэн байдаг. 

Нийтдээ 29 зээлийг шүүхэд өгсөн байна. Зээлийн хэмжээ нийтдээ 960 тэрбум төгрөг байгаа. 

Санал болгох

Газрын ерөнхий хуулийн төслийн хэлэлцүүлгээс АН-ын бүлэг 5 хоногийн завсарлага авлаа

Улсын Их Хурлын чуулганы өнөөдрийн /2022.11.25/ үдээс өмнөх нэгдсэн хуралдаанаар Газрын ерөнхий хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэх асуудлыг үргэлжлүүлэн хэлэлцлээ. УИХ-ын гишүүд хуулийн төсөл санаачлагчаас асуулт асууж, хариулт авсан бөгөөд төрийн өмчийн байгууллагын газрыг хууль бусаар шилжүүлэн авдаг асуудлыг хэрхэн шийдвэрлэх, бэлчээртэй холбоотой асуудлын  талаар хөндөж байлаа. Тухайлбал УИХ-ын гишүүн С.Чинзориг төрийн өмчийн байгууллага, сургууль, эмнэлгийн газрыг бусдад хууль бусаар шилжүүлдэг явдал гарсаар байна. Төрийн өмчит байгууллагын газрыг хууль зөрчин бусдад шилжүүлсэн асуудлыг судалсан уу. Үүнийг засах ямар арга хэмжээ авч байгаа вэ. Хуулийн төсөлд хэрхэн тусгасан бэ хэмээн асуусан.

1 өдрийн өмнө
“Бидний бахархал” төсөл хэрэгжиж байна

Монгол Улсын Ерөнхийлөгчийн үйл ажиллагааны мөрийн хөтөлбөр, Монгол Улсын Засгийн газраас баталсан “Хүүхэд, залуучуудад эх оронч үзэл төлөвшүүлэх үндэсний хөтөлбөр” болон Их эзэн Чингис хаан мэндэлсний 860 жилийн ойн хүрээнд “Бидний бахархал” төсөл хэрэгжүүлж байна.

1 өдрийн өмнө
“Багануур” ХК-ийн экскаваторын машинч Г. Отгонпүрэвт Хөдөлмөрийн баатар цол хүртээв

Бүгд Найрамдах Улс тунхагласны 98 жилийн ой, Их эзэн Чингис хааны мэндэлсний 860 жилийн ой, “Монгол бахархлын өдөр”-ийг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган эрхэлсэн салбартаа амжилт гаргасан эрхмүүдэд төрийн дээд цол, одон, медаль гардуулав.

1 өдрийн өмнө
Хүнс, хөдөө аж ахуй, хөнгөн үйлдвэрийн салбараас 4 гавьяат төрлөө

Монгол Улсын Ерөнхийлөгчийн зарлигаар Улс тунхагласны өдрийг тохиолдуулан эрхэлсэн ажил, салбартаа өндөр амжилт гарган эх орноо хөгжүүлэх үйл хэрэгт үнэтэй хувь нэмэр оруулсан дараах нэр бүхий хүмүүст Монгол Улсын гавьяат цол хүртээлээ

1 өдрийн өмнө