Украины аюулгүй байдалд туслах санаачилгын хүрээнд АНУ дахин шинээр 2.2 тэрбум ам.долларын тусламж үзүүлэх, түүний дотор алсын тусгалын пуужин нийлүүлэхээр төлөвлөж байна. Энэ тухайгаа АНУ-ын эрх баригчид албан ёсоор маргааш баасан гарагт зарлах бололтой.
АНУ-аас өмнө нь Украинд HIMARS харвагч төхөөрөмжөөс 80 км зайд харвах пуужинг нийлүүлж байсан. Одоогийн нийлүүлэхээр төлөвлөж буй пуужин HIMARS төхөөрөмжөөс 150 км зайд харвах боломжтой, тусгал нэмэгдүүлэх хөдөлгүүртэй, GPS навигацийн системийн удирдлагатай, цахим хөндлөнгийн оролцоог эсэргүүцэх чадвартай GLSDB (Ground Launched Small Diameter Bomb) загвартай юм.
Энэхүү пуужингуудыг Америкийн Boeing корпорац болон Шведийн SAAB компани хамтран үйлдвэрлэдэг.
Эх сурвалж: https://www.pravda.com.ua/rus/news/2023/02/1/7387515/
