МАН-ын бүлгийн хуралдаанаар хүүхдийн мөнгийг хүүхэд бүрт олгох тухай саналыг Засгийн газарт хүргүүлэхээр шийдвэрлэсэн. Тодруулбал, иргэдээс гаргасан саналуудыг багцалж 10 санал эрэмбэлсний нэг нь энэ юм. Харин Эдийн засгийн хөгжлийн сайд Ч.Хүрэлбаатар “Төсөвт дахин тодотгол хийж, хүүхэд бүрт хүүхдийн мөнгө олгох асуудал яригдахгүй” гэх тайлбар өглөө.
Тэрбээр “Төсвийг олон удаа тодотгох нь эдийн засагт сөрөг нөлөө олгодог. Энэ оны эхний хагаст төсөв тодотгох нөхцөл байдал үүсэхгүй. Өнгөрсөн оны есдүгээр сард валютын ханшийн нөөц доош орсон, эдийн засаг хэлбэлзэлтэй байсан. Одоо эдийн засаг тогтворжиж байгаа нь дахин төсөв тодотгох нь буруу. Тиймээс хүүхэд бүрт хүүхдийн мөнгийг олгох асуудал яригдахгүй. Бидний эрх ашиг гэвэл эдийн засгийн тогвортой байдлыг богино хугацаанд хангамаар байна. Эдийн засаг тогтворгүй бол иргэдийн орлогод нөлөөлнө” гэсэн юм.
Б.ЦЭЦЭГ
