Архангай аймагт өчигдөр түр зуурын хүчтэй шороон шуурга шуурсан байна. Улмаар сургуулийн дотуур байрны дээвэр хийсч унасан талаар Онцгой байдлын ерөнхий газар мэдээлэв.
Тодруулбал, аймгийн Хашаат сумын Баянбагийн нутагт өчигдөр өдрийн 15:00 цагийн орчимд түр зуурын шороон шуурга шуурсан байна. Салхины хурд 22-24 м/сек хүрчээ. Шуурганд сумын Ерөнхий боловсролын сургуулийн сурагчдын дотуур байрны дээвэр хийсч унасан тухай дуудлага орой 19:35 цагт аймгийн Онцгой байдлын газарт мэдээлсэн байна. Энэ дагуу сумын Засаг даргаар ахлуулсан сумын Засаг даргын Тамгын газрын ажилтнууд очиж нөхцөл байдалтай танилцсан байна.
Б.ЦЭЦЭГ
