Далайд гарцгүй хөгжиж буй орнуудын Гадаад хэргийн сайд нарын уулзалтад оролцлоо

2022 оны 9 сарын 232022-09-23
Далайд гарцгүй хөгжиж буй орнуудын Гадаад хэргийн сайд нарын уулзалтад оролцлоо

НҮБ-ын Ерөнхий Ассамблейн 77 дугаар чуулганы Ерөнхий санал шүүмжлэлийн хүрээнд Далайд гарцгүй хөгжиж буй орнууд (ДГХБО)-ын Гадаад хэргийн сайд нарын 21 дэх удаагийн уулзалт Нью-Йорк хотноо энэ 9 дүгээр сарын 22-ны өдөр болов.

Уулзалтад ДГХБО-ын Гадаад хэргийн сайд нар, НҮБ-ын Ерөнхий Ассамблейн 77 дугаар чуулганы дарга Ч.Көрөси, НҮБ-ын Ерөнхий нарийн бичгийн даргын орлогч А.Мохаммед, НҮБ-ын Нэн буурай хөгжилтэй, далайд гарцгүй хөгжиж буй болон арлын жижиг орнуудын асуудал эрхэлсэн Дээд төлөөлөгч Р.Фатима нар болон транзит орнууд, олон улсын байгууллагуудын төлөөлөл оролцлоо.

“КОВИД-19 цар тахлын дараа Венийн үйл ажиллагааны хөтөлбөрийн хэрэгжилтийг эрчимжүүлж, ДГХБО-ын асуудлаарх НҮБ-ын Гуравдугаар бага хуралд бэлтгэх нь” сэдвийн дор болсон энэхүү уулзалтад Гадаад харилцааны сайд Б.Батцэцэг оролцож үг хэлэв.

Сайд Б.Батцэцэг хэлсэн үгэндээ КОВИД-19 цар тахал, уур амьсгалын өөрчлөлт, сүүлийн үед тулгамдаж буй хүнс, эрчим хүч, санхүүгийн хямрал нь ДГХБО-ын эдийн засгийн эмзэг байдлыг улам бүр нэмэгдүүлж, Венийн үйл ажиллагааны хөтөлбөр, Тогтвортой хөгжлийн зорилтуудын хэрэгжилтийг удаашруулах төлөвтэй байгааг дурдаж, цар тахлын хор уршгийг даван туулах, хөгжлийн үйл явцыг гольдролд нь оруулахын тулд зөв бодлого хэрэгжүүлж, хүчээ нэгтгэн, харилцан туршлага солилцон, хөгжлийн түншүүд, транзит улсууд, Өмнөд-Өмнөдийн хамтын ажиллагааны орнууд, хувийн хэвшил, сангуудтай хамтран ажиллахын чухлыг онцлон тэмдэглэлээ.

Мөн тэрээр Монгол Улсын эдийн засаг, худалдаа, дэд бүтцийн төлөв байдал, бэрхшээл, сургамж, Венийн үйл ажиллагааны хөтөлбөрийн хэрэгжилтийг хангах хүрээнд хэрэгжүүлж буй бодлого, үйл ажиллагааг танилцуулан, Улаанбаатарт төвтэй ДГХБО-ын Олон улсын судалгааны төвийн үйл ажиллагааг өргөжүүлж, бэхжүүлэхийн төлөө урьдын адил идэвхтэй хамтран ажиллахыг гишүүн улсууд, хөгжлийн  түншүүд, оролцогч бусад талд уриалав.

ДГХБО-ын Гадаад хэргийн сайд нарын уулзалтаас КОВИД-19 цар тахлын хохирол, гамшгаас ДГХБО-ын эдийн засгийг сэргээх, Венийн үйл ажиллагааны хөтөлбөр, Замын зураглалыг эрчимтэй хэрэгжүүлж дуусгах, ДГХБО-ын асуудлаарх НҮБ-ын Гуравдугаар бага хурлын бэлтгэлийг хангахад чиглэсэн зөвлөмж, арга хэмжээнүүдийг тусгасан тунхаглалыг батлав.

Санал болгох

УИХ | Онц байдал тогтоох шаардлагагүй гэж үзэв

Үүссэн нөхцөл байдалтай холбоотойгоор Улсын Их Хурлын чуулган цахимаар хуралдаж, холбогдох байгууллагуудын мэдээллийг сонсож, Хууль зүй, дотоод хэргийн сайдын саналыг хэлэлцэв.

7 цагийн өмнө
Хууль зүй, дотоод хэргийн яамнаас УРИАЛГА гаргалаа

Монгол Улсын Ард иргэд, оюутан залуучуудаа Та бүхэнд дараах уриалгыг хүргэж байна.

7 цагийн өмнө
Г.Занданшатар: Ард түмний баялгаас хулгай хийсан хэнбугай ч болов хуулийн хатуу цээрлэл хүлээх ёстой

Улсын Их Хурлын дарга Г.Занданшатар өнөөдөр (2022.12.05) үүсээд буй нөхцөл байдалтай холбогдуулан Улсын Их Хурлын дэд дарга С.Одонтуяа, Улсын Их Хурлын гишүүн, Үйлдвэржилтийн бодлогын байнгын хорооны дарга Т.Энхтүвшин, Улсын Их Хурлын гишүүн, Жижиг, дунд үйлдвэрлэлийн дэд хорооны дарга Ж.Бат-Эрдэнэ, Улсын Их Хурлын гишүүн Б.Бейсен, Т.Доржханд нартай уулзлаа

11 цагийн өмнө
МАН бүлэг Чингис бондын төлбөрийг эргэн төлөх асуудлаар хуралдаж байна

Чингис бондыг Монгол Улсын Засгийн газар 2012 онд олон улсын зах зээлд гаргаж байсан бөгөөд 10 жилийн хугацаатай 1.5 тэрбум долларын өрийн бичиг юм. Анх 41.-5.1 хувийн хүүтэйгээр арилжаалагдаж байсан. Чингис бондоор нийт 1660 гаруй төсөл, хөтөлбөр санхүүжүүлсэн гэдэг. Хуваарь ёсоор Засгийн газар Чингис бондын 137.8 сая ам.долларын үлдэгдлээ өнөөдөр хөрөнгө оруулагчдад төлөх ёстой юм.

17 цагийн өмнө