Н.Алтанхуяг: Нүүрсний хэрэг дээр чулуу шидвэл олон хүний толгой хагарна

4
2022 оны 12 сарын 92022-12-09
Н.Алтанхуяг: Нүүрсний хэрэг дээр чулуу шидвэл олон хүний толгой хагарна

УИХ-ын өнөөдрийн /2022.12.09/ чуулганы нэгдсэн хуралдаан эхэллээ. Хуралдааны эхэнд УИХ-ын гишүүн Н.Алтанхуяг горимын санал гаргаж, үг хэлэв. 

Тэрбээр "Өнөөдрийн чуулганыг өөрөөр явуулмаар байна. Нүүрсний хулгайн талаар ярих хэрэгтэй. Таг дүлий байхаа боль. Иргэд хараад уурлана биз дээ. Хэдэн өдөр гадаа хүйтэнд залуус улс орноо өөдөн татахаар жагсаж байна. Би бүр гуйж байна.

Жагсаал олон  хоног үргэлжлэх юм бол улс орны хувь заяанд нөлөөлнө. Энэ нь танай намын хувь заяа биш. Монгол Улсын хувь заяа шүү.

Үүнд анхаараад ажил хий л дээ. Ард иргэдээс сонгогдсон УИХ-ын гишүүд байна даа. Жаахан сэрж, сэдэж юм хийх ёстой. Бид энд дүлий дүмбэ царайлчихаад өөр асуудал хэлэлцээд сууж байна. УИХ-ын дайчин, шуурхай байдал дутагдаад байна. Баялагтаа эзэн болно гэж хэдэн жил ярив.  Гэтэл баялаг нь хулгайд алдагдаад дууслаа.  Нүүрсний хулгайн араас алт, зэс ч бий. Энэ бол АН-ын асуудал биш учраас олонх ахаараач. Хэтэрхий олон болчихоор бяр суугаад буруутаад байх шиг байна.  Засгийн газар нүүрсний хулгайтэй тэмцэнэ гэж байгаа нь үнэн бол дэмжинэ.  Сүүлдээ үнэн, худал ярьж байгаад нь би эргэлздэг болсон. Ард түмэн ч эргэлзэж байх шиг байна.

Гэхдээ нүүрсний хулгайч нартай тэмцэхдээ энд сууж байгаа хэдэн гишүүний нэрийг ээлжилж хэлчихээд суугаад байж болохгүй. Яг чулуу шидэх юм бол олон хүний толгой хагарах ёстой л доо, нүүрс дээр. Тиймээс ажил урагшлахгүй байна. Тиймээс парламентын ардчиллыг хамгаалах цаг болсон. МАН-ын гишүүд ээ. УИХ-ын гишүүд ээ. Энд үг хэлэхээр АН-ын 10-хан хүнийг барьж иднэ. Ингээд байхаар та нарын болж, бүтэхгүй байгаа зүйлийг хэлэх хүн олдохоо больсон. Хяналтын ажлын хэсгийг цөөнхөөр толгойлуулчихвал яасан юм. Юунаас айгаад байгаа юм. Яагаад юмыг шударга хийж чадахгүй байна вэ. Та нар.  Аалзны тор шиг нэг нэгнээ барьцаалчихаад байх юм. Нүүрсний хулгайн Ажлын хэсэгт орох гэтэл оруулаагүй. Яагаад цөөнхөөс орж болдоггүй юм. Ажлын хэсэгт орох гишүүдийг кнопоор шийднэ гээд хууль заачихаж. Орох гэхээр унагаачих юм. Ингэж болохгүй шүү дээ. Г.Занданшатар дарга аа. Цөөнхөөрөө юм хийлгэ"  гэв. 

Э.БУРАМ

Санал болгох

ЦХХХЯ: 13А маягтыг цахимд шилжүүлэх туршилтыг ИРЭХ ДОЛОО ХОНОГТ эхлүүлнэ

Иргэд анхан шатны эрүүл мэндийн төвөөс дараагийн шатлалын эмнэлэгт хандахын тулд зайлшгүй авах шаардлагатай байдаг 13А маягтыг цахим хэлбэрт шилжүүлэх ажлыг энэ сарын 30-наас туршилтын журмаар нэвтрүүлэхээр төлөвлөсөн. Туршилтын нэг сарын дараагаас бүрэн хэрэгжүүлж ажиллана.

2 минутын өмнө
Улсын Дээд шүүх улс төрийн шийдвэрээ гаргах цаг болжээ

Өнөөдөр Монголын улс төрийн тэнцвэрийг хангах талаасаа, олон талт үзэл бодлыг бэхжүүлэх талаасаа, нийгмийн хүлээлт талаасаа Дээд шүүхийн бүртгэл чухал нөлөө үзүүлнэ. С.Эрдэнэ, эсвэл хэн нэгэн хүсэхгүй байгаа учраас “Танай нам дотроо учраа олоод ир” гээд дахиад буцаах нь нэг бол Ардчилсан намыг гудамжны тэмцэл рүү түлхэнэ, эсвэл шүүх захиа даалгавраар ажиллалаа гэдэг дүгнэлт рүү аваачина. АН сонгуулийн өмнөх жилд эвээ дөнгөж олж эхлэхэд л эрх баригчид нийгмийн сүлжээнд “Ерөнхий сайдыг шүгэлддэг данх болгоно гэж заналхийлсэн байна”, “Ерөнхий шүүгч Ерөнхий сайд руу п... наахуудаа хүрч дайрсан байна” гэдэг яриа гаргаад араас нь шүүхийн авлигыг ярина, хэлнэ гээд байгаа нь шүүхэд нөлөөлөх гэсэн л оролдлого шүү дээ. МАХН, МАН болж хуваагдахад, уугуул нэрийг сэргээхэд Дээд шүүх тухайн үедээ улс төрийн сонголт хийгээгүй гэж үү.

3 цагийн өмнө
Британийн Ерөнхий сайдын Монголыг хариуцсан Худалдааны элч болон Экспортын санхүүжилтийн агентлагийн төлөөлөлтэй уулзлаа

Монгол Улсын Шадар сайд С.Амарсайхан Британийн Ерөнхий сайдын Монголыг хариуцсан худалдааны элч Д.Кавченски болон Британийн Экспортын санхүүжилтийн агентлагийн газрын захирал Вомик Шах нарын төлөөлөлтэй уулзлаа

17 цагийн өмнө
Шадар сайд С.Амарсайхан ИБУИНХУ-ын Шадар сайд бөгөөд Хууль зүйн сайдтай уулзлаа

Монгол Улс, ИБУИНХУ-ын хооронд дипломат харилцаа тогтоосны 60 жилийн ойн хүрээнд Британи Улсад ажлын айлчлал хийж буй Шадар сайд С.Амарсайхан өнөөдөр Британи Улсын Шадар сайд бөгөөд Хууль зүйн сайд Доминик Раабтай уулзаж, хоёр талын харилцаа, хамтын ажиллагааны талаар ярилцлаа

19 цагийн өмнө