АНУ мэргэшсэн зөвлөлт судлаачийг ОХУ-д Элчингээр томилно

2023 оны 1 сарын 132023-01-13
АНУ мэргэшсэн зөвлөлт судлаачийг ОХУ-д Элчингээр томилно

Америкийн Төрийн департаментын албаны төлөөлөгч Нэд Прайс тус улсаас ОХУ-д суух шинэ Элчин сайдыг ойрын өдрүүдэд илгээх талаар мэдэгдлээ.

Шинэ Элчин сайд Линн Трейс нь Москва, Туркменистан, Кыргызстан, Армен зэрэг хуучин зөвлөлтийн болон Төв Азийн орнуудад ажиллаж байснаас гадна АНУ-ын ҮАБЗ-ийн Төв Азийг хариуцсан хэлтсийн захирал байсан туршлагатай дипломатч аж. Хоёр орны харилцаа хурцдаж буй өнөө үед Америкийн зүгээс мэргэшсэн зөвлөлт судлаачийг Орост суух Элчин сайдаар илгээж байгаа бөгөөд тус улсад сууж буй анхны эмэгтэй Элчин сайд болж байна.

Тэрээр 2014 онд Москва дахь АНУ-ын Элчин сайдын яаманд ажиллаж байсан бөгөөд тэрээр энэ тухайгаа “… Орост дадлагаар ажилласан маань цаашдын мэргэжлээ сонгоход дөхөм болсон гэж хэлэхэд хилсдэхгүй. Орос орон намайг дипломатч болгосон. Оросын дотоод улс төрийн нөхцөл байдал, баялаг түүх, соёл хийгээд олон төрлийн амьдралын хэв маяг нь намайг гайхшруулсан юм” хэмээн хэвлэлд өгсөн ярилцлагадаа дурдаж байжээ.

Санал болгох

Нобелийн шагнал гардууллаа

Жил бүрийн энэ өдөр Стокгольм хотод Нобелийн шагнал гардуулах ёслол болдог

4 цагийн өмнө
Оросууд Умард туйлд 1.75 их наяд рублийн хөрөнгө оруулна

Орос улс 2020 оноос эхэлж, умард туйлыг хөгжүүлэх стратеги хэрэгжүүлсэн бөгөөд 766 төслийн хөрөнгө оруулалт татаж, нийт хөрөнгө оруулалт нь 1.75 их наяд рубль буюу 19 тэрбум ам долларт хүрч, 40 мянган ажлын байр бий болголоо

3 өдрийн өмнө
Португалийн метроны шугамд Хятад галт тэрэг явж эхэллээ

Хятадын CRRC Tangshan компанийн үйлдвэрлэсэн метроны галт тэрэг Португалийн Порто хотын төв дэх Триндаде буудлаас хөдөллөө

4 өдрийн өмнө
БНХАУ дөрөв дэх АЦС-аа ашиглалтад орууллаа

Энэ станц Хятад улсын бие дааж бүтээсэн, оюуны өмчийн эрхтэй үндэсний хэмжээний шинжлэх ухаан, технологийн том төслийн ололт юм.

5 өдрийн өмнө