Засгийн газраас УИХ-д өргөн барьсан Үндсэн хуульд оруулах өөрчлөлтийн төслийн гурав дахь хэлэлцүүлгийг өнөөдөр хийж, баталлсан. Энэ талаар МАН-ын бүлгийн дарга Д.Тогтохсүрэн дараах мэдээллийг өглөө.
-----------------------
Тэрбээр,
Үндсэн хуулийн нэмэлт өөрчлөлтийг дагаж мөрдөх журмын хуулиар 2024 оны нэгдүгээр сарын 1-ээс хэрэгжиж эхэлнэ. Үндсэн хуульд оруулах өөрчлөлтийн төслийн талаар хоёр нам олон удаа хэлэлцэж сүүлийн зургаан сарын хугацаанд яригдаж буй асуудал. Өнөөдрийн парламентын засаглалыг эрс өөрчлөх шаардлага байгаа тул маш том хуулийн өөрчлөлт юм. Бид 2024 оны долдугаар сарын 1-ээс шинэ парламентын засаглалаар явна. Тиймээс 2024 оны төсөв тодотгох үед төсвийн зарцуулалт яригдах байх. Мэдээж гишүүдийн тоо нэмэгдсэнтэй холбоотой төсөв зардал тодорхой хэмжээнд нэмэгднэ. Гэхдээ тодорхой авч үзэх асуудлууд бий. УИХ-ын гишүүдийн тоо 126 болж байгаатай холбогдуулан техникийн болон ажиллах нөхцөл боломжийг хангахтай холбоотой ажлын хэсэг гарч тодорхой судалгаа хийж УИХ-д танилцуулна.
Б.ЦЭЦЭГ
