Жил бүр амралтын нэг өдрийг автомашингүй өдөр болгон тэмдэглэдэг. Уламжлал ёсоор энэ жил тавдугаар сарын 27-нд товлосон ч хойшилсноор ийнхүү маргааш болох гэж байна.
Нийслэлийн замын хөдөлгөөний удирдлагын төвийн мэдээлснээр дараах байршлуудад зам хаагдна. Үүнд,
- Д. Сүхбаатарын талбай (Д.Сүхбаатарын гудамж, Их сургуулийн гудамж) Сөүлийн гудамж,
- Партизаны гудамж,
- Бөмбөгөр худалдааны төвийн уулзвар,
- Төмөрчний гудамж,
- Гэсэр сүмийн уулзвар,
- Самбуугийн гудамж,
- Анкарагийн гудамж,
- Бага тойруу,
- Бээжингийн гудамж,
- Токиогийн гудамж,
- Сансарын туслах замаар
- Энх тайвны өргөн чөлөөний Зүүн дөрвөн замын уулзварын Баруун дөрвөн замын уулзвар,
- Чингисийн өргөн чөлөөний
- Монголын хүүхдийн ордны уулзвараас Монгол шуудангийн уулзвар болон дотогш замуудын авто машины хөдөлгөөнийг хязгаарлана.
Мөн өдөр “Улаанбаатар марафон”-ыг зохион байгуулдаг. Үүнтэй холбогдуулан холбогдох албаны хүмүүс дараах мэдээллийг өглөө.
“Улаанбаатар марафон-2023” тэмцээнд оролцогчдын бүртгэлийн хугацааг өнөөдөр 17:00 цаг хүртэл сунгажээ. Өглөөний 06:00 цагаас зам хязгаарлаж 09:00 цагаас Сүхбаатарын талбайд оролцогчид цуглана. Тэмцээнд оролцогчид 10:00 цагаас гараанаас гарах юм байна.
Б.ЦЭЦЭГ
