Автомашингүй өдөр нийслэлийн төв замаар буюу баруун дөрвөн замаас зүүн дөрвөн зам хүртэл тээврийн хэрэгслийн хөдөлгөөнийг түр хязгаарладаг. Үүнийг дагаад нийтийн тээврийн маршрутад өөрчлөлт ордог. Үүнтэй холбогдуулан холбогдох албаны хүмүүс дараах мэдээллийг өглөө.
Нийтийн тээврийн маршрутын тухайд 40 чиглэлийн 439 автобусны чиглэлд өөрчлөлт орох нь.
Нийтийн Тээврийн Газрын Тээвэр төлөвлөлтийн хэлтсийн дарга Б.Тамир:
-Нийтийн тээврийн чиглэлийн өөрчлөлт өглөөний 06:00 цагаас орой 19:00 цаг хүртэл үргэлжилнэ. Үүнээс хойш хэвийн горимоор үйлчилнэ. Автомашингүй өдөр тохиож байгаа тул баруун-зүүн, зүүн-баруун чиглэлд зорчиж буй иргэд нийтийн тээврээр их тойруугийн зам болон баруун дөрвөн зам, зүүн дөрвөн зам хүртэл хөдөлгөөнд оролцно гэсэн үг. Мөн Энхтайваны өргөн чөлөөний зам хаагдаж байгаа тул зарим троллебусны чиглэл хаагдаж байгаа. Үүнд Т2-5 шар Ботаник, Т5, Т63Б зэрэг чиглэл хаагдна.
Б.ЦЭЦЭГ
