Олон улсын дэд бүтцийн хөрөнгө оруулалт, бүтээн байгуулалтын дээд хэмжээний чуулга уулзалтын 14 дэх удаагийн форум зургаадугаар сарын 1-нд Макаод нээгдэв. Форумд 60 гаруй улс орон, бүс нутгийн 700 гаруй байгууллагын 3000 гаруй төлөөлөл оролцжээ.
Форумын үеэр 40 гаруй тусгай арга хэмжээ зохиож, салбарын халуун цэгүүд, сүүлийн үеийн анхаарал татсан сэдвүүд, дэлхийн хамтын ажиллагааны ололт амжилт, боломжуудын талаар ярилцаж, дэд бүтцийн салбарын ногоон, тогтвортой хөгжлийг цогцоор нь харуулж, дэлхийн дэд бүтцийн салбарын тогтвортой хөгжлийг хурдасгах шинэ кинетик эрчим хүч, шинэ замыг хамтдаа судлах талаар тохиролцов.
Олон улсын дэд бүтцийн хөрөнгө оруулалт, бүтээн байгуулалтын дээд хэмжээний форум нь 2010 онд БНХАУ-ын Худалдааны яамны зөвшөөрлөөр байгуулагдаж байв. Форумыг тус салбарынхан санал солилцох, мэдээлэл олж авах, боломжуудыг нээх, хамтын ажиллагааг эрэлхийлэх олон улсын мэргэжлийн индэр болгох зорилготой юм. 2012 оноос хойш Олон улсын дэд бүтцийн форум Макао хотноо 11 жил дараалан зохиогдож байна.
