Дэлхийд шүд цоорлын хэмжээ дунджаар 45 хувьтай байдаг аж. Харин Монголд энэ төрлийн эмгэг хоёр дахин их байна. Улсын хэмжээнд хэрэгжүүлж буй эрт илрүүлэг болон шүдний кабинетад үзүүлж буй иргэдийн 90-99 хувь нь энэ өвчнөөр тодорхой хэмжээнд шаналж байна Тиймээс дүүргийн Эрүүл мэндийн төвүүдэд ашиглаж буй техник, тоног төхөөрөмжийг шинэчлэн, амны хөдийн эрүүл мэндийн бүртгэл, мэдээллийг сайжруулах шаардлагатай болохыг Нийслэлийн Эрүүл мэндийн газрын дарга Д.Цэнд-Аюуш хэллээ. Тэр өнөөдөр нийслэлийн хэмжээнд амны хөндийн эрүүл мэндийг дээшлүүлэх зорилтын хүрээнд хэрэгжүүлж буй “Шүд” хөтөлбөрийн талаар мэдээлэл өгөх үеэр ийнхүү онцолсон юм. Уг хөтөлбөрийн талаар ярихдаа "2024 оноос эхлэн ЭМЯ-тай хамтран “Шүд” хөтөлбөрийг хэрэгжүүлж эхлэхээр төлөвлөсөн. АШУҮИС-тай хамтран амны хөндийн эрүүл ахуйчийг бодлогоор дэмжин сургах, ерөнхий боловсролын сургуулиуд шүд угаах цагтай болох, сахарын хэрэглээг бууруулж, “Үдийн цай” хөтөлбөрт сүү, цагаан идээг өргөнөөр хэрэглэх хэрэгтэй" гэв.
Өнөөдрийн байдлаар нийслэлийн хэмжээнд одоогоор 1,339 эмч амны хөндийн эрүүл мэндийн тусламж үйлчилгээг үзүүлж байна. Үүнээс 43 эмч найман дүүргийн эрүүл мэндийн төвд ажилладаг. Харин нийслэлийн Шүд, эрүү, нүүрний төвийн 21 эмч улсын хэмжээний тусламж, үйлчилгээг үзүүлж байгаа аж. 2023 оны эхний хагас жилийн байдлаар 416 мянган хүн амны хөндийн үзлэгт орж оношлуулжээ. Үүнээс 366 мянган хүнд шүд цоорох өвчний эмчилгээг хийжээ. Өнгөрсөн оны тавдугаар сард улс орон даяар эхэлсэн эрт илрүүлгийн хүрээнд 0-18 насны хүүхдүүдийг амны хөндийн үзлэгт хамруулахад 61.5 хувь нь шүд цооролттой гэж бүртгэгдсэн байна.
Б.ЦЭЦЭГ
Нийслэлийн хэмжээнд амны хөндийн эрүүл мэндийг дээшлүүлэх зорилтын хүрээнд хэрэгжүүлж буй “Шүд” хөтөлбөрийн талаар өнөөдөр мэдээлэл өглөө.
Нийслэлийн Эрүүл мэндийн газрын дарга Д.Цэнд-Аюуш "Амны хөндийн эрүүл мэндийн тусламж үйлчилгээг нийслэлийн Шүд, эрүү, нүүрний төв, найман дүүргийн эрүүл мэндийн төвийн шүдний кабинет, хувийн хэвшлийн эрүүл мэндийн байгууллагууд үзүүлж байгаа.байна.
2023 оны эхний хагас жилийн байдлаар 416 мянган хүнд амны хөндийн үзлэг, оношилгоо хийсэн. Үүнээс 366 мянган хүнд шүд цоорох өвчний эмчилгээг хийжээ.
2022 оны тавдугаар сард улс орон даяар эхэлсэн эрт илрүүлгийн хүрээнд 0-18 насны хүүхдүүдийг амны хөндийн үзлэгт хамруулахад 61.5 хувь нь шүд цооролттой гэж бүртгэгдсэн.
Дэлхийн дунджаар шүд цоорлын хэмжээ 45 хувьтай байдаг. Харин манайд эрт илрүүлэг болон, шүдний кабинетад үзүүлж буй иргэдийн 90-99 хувь нь шүд цоорлын эмгэгтэй байна. Үүнээс харахад манай улсад шүд цоорлын эмгэг дэлхийн дунджаас даруй хоёр дахин их байгаа юм. Тиймээс дүүргийн эрүүл мэндийн төвүүдэд ашиглаж буй техник, тоног төхөөрөмжийг шинэчлэн, амны хөндийн эрүүл мэндийн бүртгэл, мэдээллийг сайжруулах шаардлагатай.
