Өнөөдрийн Засгийн газрын хуралдаанаар АЗЗА-ын компаниудыг хооронд нь нэгтгэх шийдвэр гаргалаа. Энэ тухай ЗГХЭГ-ын дарга Д.Амарбаясгалан “20 аймагт үйл ажиллагаа явуулж буй АЗЗА-ын компаниудыг нэгтгэж байгаа нь тус бүрдээ 1.5 тэрбум төгрөгийн үнэлгээтэй автозам засвар арчлалтын компаниуды IPO гаргах үйл ажиллагааг Хөрөнгийн биржээр дамжуулан сонирхох бизнес эрхлэгч, иргэд ховор байна. Яагаад гэвэл өөрөө ашигтай ажиллах боломжгүй компаниудын хувьцааг иргэд сонирхохгүй байна. Тиймээс олон компанийг нэгтгэсний үндсэн дээр хувьцаа гаргахаар шийдвэрлэлээ. 20 АЗЗА компанийн ердөө нэг нь л Сэлэнгийн АЗЗА ашигтай ажиллаж байна. Тэгэхээр төрийн бүтээмжийг дээшлүүлж илүү үр ашигтай болгоход анхаарал хандуулна” гэв. Түүний мэдээлснээр өнөөдрийн байдлаар АЗЗА нийт 20 компани 38 тэрбум төгрөгийн үнэлгээтэй компани болгон өөрчилж байгаа юм байна.
АЗЗА-ын компаниудыг нэгтгэснээр,
- Энэ чиглэлийн бизнес эрхлэгчид хөрөнгө оруулах
- компанийн үр ашигтай ажиллах нөхцлийг бүрдүүлнэ.
Б.ЦЭЦЭГ
