Эмэгтэйчүүдийн хөлбөмбөгийн дэлхийн аварга шалгаруулах 9 дэх удаагийн тэмцээний шигшээ тоглолт Испани-Английн хооронд болж , 1:0 харьцаагаар хожсон Испанийн бүсгүйчүүд анх удаагаа дэлхийн аварга боллоо.
Эмэгтэй хөлбөмбөгийн Дэлхийн аварга цолыг өмнө нь АНУ дөрвөн удаа, Герман хоёр удаа, Норвеги, Япон тус бүр нэг нэг хүртэж байсан юм. Испаничууд энэ цолыг хүртсэн тав дахь улс болж байна.
Тооны харьцаа ойрхон байсан хэдий ч тоглолтын туршид Испани илүү баг нь байлаа. Тэдний тика така, бөмбөг эзэмшилт, дамжуулалтын эсрэг "хөлбөмбөгийн эх орныхон" олигтой зүйл юу ч хийж чадсангүй.
Хөлбөмбөгийн дэлхийн аварга цолыг эрэгтэй болон эмэгтэй баг нь хүртсэн цорын ганц орон өмнө нь Герман байсан бол Испани мөн нэмэгдэв.
Ц.Энхтүвшин Таван цагариг сонин
