ТОЙМ | Германы шигшээ баг анх удаа ДЭЛХИЙН АВАРГА боллоо

Олон Улсын Сагсан бөмбөгийн 19 дэх удаагийн дэлхийн аварга 2023 оны наймдугаар сарын 25-наас есдүгээр сарын 10-ны өдрүүдэд Филиппин, Япон, Индонез зэрэг улсуудад амжилттай зохион байгуулагдаж дууслаа.

Тив бүрээс шалгарсан шилдэг 32 улсын шигшээ баг найман хэсэгт хуваагдан өрсөлдлөө.

ГЕРМАНЫ ШИГШЭЭ БАГ ДАШТ-нд НЭГ Ч ЯЛАГДАЛГҮЙ БОСОО ТҮРҮҮЛЛЭЭ

Германы шигшээ баг энэхүү ДАШТ-нд босоо байж нэг ч ялагдалгүй хүчирхэг багуудыг буулган авч түрүүлж чадлаа. Багийн ахлагч ДАШТ-ны үнэ цэнтэй тоглогч болсон Dennis Schroder үнэхээр ганган байж багаа ялалтанд хөтөллөө мөн финалын тоглолтын MVP Franz Wagner энэхүү тэмцээнд гэмтлийн улмаас хэд хэдэн тоглолт өнжсөн ч хэрэгтэй үедээ эргэн ирж багаа ялалтанд хүргэж чадлаа. Тэд багаараа энэхүү дэлхийн аваргад жигд байж хүчирхэг багуудыг буулган авлаа.

ФРАНЦИЙН ШИГШЭЭ БАГ ХЭСГЭЭС ГАРЧ ЧАДААГҮЙ

Сагсан бөмбөгийн дэлхийн аваргын хамгийн анхны том сенсаац бол энэ жил аварга авах зорилготой ирсэн Францын шигшээ баг хэсгийн тоглолтондоо 2 дараалан ялагдал хүлээж (Канад 95:65 Франц), (Латви 88:86 Франц) 18 дугаар байранд бичигдлээ.

Словенийн шигшээ багийн "од" тоглогч Лука Дончич эхний шатын мэргэн буучаар шалгарлаа

NBA Dallas mavericks багийн тоглогч Лука Дончич хэсгийн шатны нэг тоглолтод дунджаар 30+ оноо авчээ.

Словенийн шигшээ баг 19 дэх дэлхийн аваргын 7-р байранд бичигдсэн юм.

ЯПОНЫ ШИГШЭЭ БАГ АЗИЙН ТИВИЙГ ТӨЛӨӨЛЖ ОЛИМПТ ОРОЛЦОНО

Японы шигшээ баг хоёр олимпод дараалан оролцох эрхтэй боллоо. Тэд анх удаа Ази тивээс Европын багийг хожсон амжилт үзүүлсэн юм. (JAPAN 86-77 Venezuela), (JAPAN 80-71 CAPE VERDE)

Японы шигшээ баг 3 ялалт, 2 ялагдалтай 19-р байранд орлоо.

ДЭЛХИЙН АВАРГАД АНХ УДААГАА ОРОЛЦСОН ЛАТВИЙН ШИГШЭЭ БАГ 5-р БАЙРАНД ШАЛГАРЛАА

Латвийн шигшээ баг хүчирхэг Испани, Франц, Бразил, Итали гэх хүчирхэг багуудыг буулган авч байр эзлэх хамгийн сүүлийн тоглолтонд Ливааны шигшээ багийг 109:70 харицаатайгаар буулган авч дэлхийн аваргын 5-р байранд шалгарлаа.

АНУ-ын шигшээ хоёр ДЭЛХИЙН АВАРГА дарааллан медальгүй буцлаа

Дэлхийн таван удаагийн аварга АНУ-ын шигшээ баг хэсгийн шатанд Литвийн шигшээ багт 110:104 харицаатайгаар ялагдал хүлээж хоёрдугаар байраар гарч Италийн шигшээ багтаа шөвгийн 8-д тааран тоглож 100:63 харицаатайгаар ялалт байгуулж хагас шигшээд оролцох эрхээ авсан юм. Тэднийг маш зөв цагтаа хожигдол хүлээлээ гэж ихэнх хүмүүс ярьж байсан бөгөөд тэд хагас шигшээд Германы шигшээ багтаа тааран 113:111 харицаатайгаар ялагдал хүлээн хүрэл медалийн төлөө Канадийн шигшээ багтаа тоглон (OT 127:118) ялагдал хүлээж 4-р байранд шалгарлаа.

Дэлхийн таван удаагийн аварга Сербийн шигшээ баг энэхүү дэлхийн аваргад гарз хохирол ихтэй байлаа

Сербийн шигшээ баг шөвгийн наймын тоглолтонд Өмнөд Судантай хийсэн тоглолтын үеэр Бориш Симанич гэмтэл авч улмаар нэг бөөрөө авхуулжээ. Мөн залуу тоглогчийн спортын замнал зогсох аюултай байгаа юм.

Самбар дор Бориш Өмнөд Суданы Нуни Омототой мөргөлдсөн. Омото түүнийг бөөрөн тус газар нь тохойлдсон бөгөөд серби тоглогч талбайг орхисон юм. Эхлээд жижиг гэмтэл мэт харагдаж байсан ч Боришийг эмнэлэгт яаралтай хэвтүүлж, хагалгаанд оруулахаас өөр аргагүй болжээ.

Мөн тэд финалын тоглолтын эхэнд төвийн тоглогчоо бэртлийн улмаас алдаж Германд 83:77 харицаатайгаар ялагдал хүлээн мөнгөн медаль хүртлээ. Тэд европ тивээс Олимт оролцох эрхээ авсан юм.