АНУ-ын засгийн газар Ираны өмнө нь царцаагдсан 6 тэрбум долларын хөрөнгийн гүйлгээнд тавьсан хоригоо цуцалж, Иранд хоригдож буй Америкийн 5 иргэн, Америкт хоригдож буй Ираны 5 иргэнийг харилцан солилцохыг зөвшөөрсөн байна. Энэхүү ажиллагаа нь Иранд олон улсын хүмүүнлэгийн бараа худалдан авахад зориулж Америк хориг тавилгүйгээр Өмнөд Солонгосын банкуудаас 6 тэрбум долларын хөрөнгийг Катарын Төв банк руу шилжүүлэх боломжтой болжээ.
Мэдээллийн дагуу, өнгөрсөн амралтын өдөр АНУ-ын Төрийн нарийн бичгийн дарга Энтони Блинкен гэрээнд гарын үсэг зурж, орон нутгийн цагаар 11-ний өдөр Конгресст батлуулахаар өргөн барьсан байна.
