Хотын дарга Д.Сумъяабазар өчигдөр /2023.10.02/ өөрийн хүсэлтээр огцрох өргөдлөө өгсөн. Улмаар дараагийн хотын даргын "марафон" өрнөж эхэллээ. Тэрбээр суудлаасаа буухаас өмнө иргэдэд "Хотын даргын ажил үнэхээр хэцүү юм байна. Маш өргөн хүрээнд маш олон хүний ашиг сонирхол нийцсэн их зовлонтой бөгөөд хүнд ажил юм билээ шүү. Дараагийн Хотын даргаа хайрлаарай" гэдгийг захисан.
Тэгвэл дараагийн хотын дарга Х.Нямбаатар, түүний оронд УИХ-ын гишүүн, Хууль зүйн байнгын хорооны дарга Б.Энхбаярыг тус яамны сайдад нэр дэвших боломжит хувилбар гэж МАН үзжээ.
Мөн Монгол Улсын сайд, Нийслэл Улаанбаатар хотын авто замын түгжрэлийг бууруулах үндэсний хорооны даргад УИХ-ын гишүүн Б.Дэлгэрсайхан нарын нэрс яригдаж байна. МАН-ын Удирдах зөвлөлийн хурлыг маргааш 14.00 цагт хийхээр төлөвлөжээ. Тус хурлаар томилгооны асуудлыг хэлэлцэх юм.
Э.БУРАМ
