Өсвөр насны хүүхдүүдийн дээрэлхэлтийн эсрэг шүгэл үлээж эхэлсэн иргэн Г.Уянга өнөөдөр Боловсролын яамны үүдэнд эсэргүүцлийн жагсаал эхлээд байна. Түүнийг шүгэл үлээж эхэлсэнтэй холбоотойгоор түүн рүү үе тэнгийн дээрэлхэлт хийсэн хүүхдүүдийн ээж ааваас дайралт их ирснээс гадна зарим хүүхдүүд буутай зураг илгээж дарамтлах гэж оролдсон талаар мэдээлж байна. Иргэн Г.Уянгын зүгээс Ерөнхий боловсролын 1-р сургуулийн ахлах ангийн сурагчдаас гарч байгаа үе тэнгийн дээрэлхэлтийн эсрэг дуугарч эхэлснээс хойш тус сургуулийн захиргаа болоод эцэг эхчүүдээс олон дайралт иржээ. Иргэн Г.Уянгын эхэлсэн жагсаалыг олон эцэг эхчүүд дэмжиж оролцож байна.