Цэцэрлэгүүд 2024-2025 оны хичээлийн жилд авах хүүхдүүдээ өнөөдрөөс бүртгэж эхэллээ. Улсын хэмжээнд өнөө жил 292.359 хүүхэд цэцэрлэгт явах хэрэгцээтэй байна. Үүний 142.150 нь нийслэлд байгаа юм.
Нийслэлийн хүүхдийг насаар нь ангилбал:
- 2 настай-30.894
- 3 настай-35.055
- 4 настай-37.204
- 5 настай-38.997 хүүхэд байна.
Иргэд хүүхдээ цэцэрлэгт хамруулах үйлчилгээг авахдаа дараах зүйлсийг анхаарна уу! Үүнд:
- Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх
- Өнгөрсөн жил цэцэрлэгт хамрагдсан бол тухайн цэцэрлэгтээ үргэлжлүүлж явах, эсэх сонголтоо хийх
- Хаягийн шилжилт хөдөлгөөнийг 8 дугаар сарын 12-ноос өмнө хийлгэсэн байх
Хэрвээ E-Mongolia-р цэцэрлэгт хүүхдээ бүртгүүлэх боломжгүй бол хамран сургах тойргийнхоо цэцэрлэгт 8 дугаар сарын 12-ноос хандаарай. Тэнд ажиллаж буй ажлын баг танд зөвлөгөө, мэдээлэл өгөх юм.
